પૈપ્પલાદ-સંહિતા · અધ્યાય 19.50

પ્ર દ્યૌઃ પ્ર પૃથિવી
પ્રાન્તરિક્ષં સ્વમ્ અર્હત્ ।
પ્રેતઃ સમુદ્રિયા આપઃ
શલ્યમ્ અચુચ્યવુઃ ॥

પ્ર ત્વા વાતશ્ ચ્યાવયતુ
પ્ર ભૂમિઃ સહસા સહ ।
પ્રેતઃ સમુદ્રિયા આપઃ
શલ્યમ્ અચુચ્યવુઃ ॥

પ્ર ત્વા સૂર્યશ્ ચ્યાવયતુ
નક્ષત્રૈઃ સહ મેદિભિઃ ।
પ્રેતઃ સમુદ્રિયા આપઃ
શલ્યમ્ અચુચ્યવુઃ ॥

યો મા પૌતુદ્રુવો મણિર્
વિશ્વભેષજ આગમત્ ।
સો અસ્મત્ સર્વં દુષ્વપ્ન્યમ્
અપ હન્તુ તમશ્ ચ યત્ ॥

અપાસ્મત્ સર્વં દુષ્વપ્ન્યમ્
અપ પાપીં ચ લક્ષ્મ્યમ્ ।
અધા હિરણ્યવર્ચસં
સર્વદા મા મણે કૃધિ ॥

સર્વદૈવાહં ભગવાન્
ઇન્દ્રિયાવાન્ વિષાસહિઃ ।
યો મા પૌતુદ્રુવો મણિર્
દ્રવિણેન સહારુહદ્
ઇન્દ્રેણ સહારુહત્ ॥

પુમાન્ અશ્વો ધનં વિત્તિં
પુમાન્ નિષ્કો હિરણ્યયઃ ।
પુમાંસં પુત્રમ્ ઓષધે
ઽસ્યા આ ધેહિ નાર્યૈ ॥

યથાનન્દાઃ પુંસિ જાતે
ન વ્રવસ્તીતિ કશ્ ચન ।
એવા ત્વં પુત્રમ્ ઓષધે
ઽસ્યા આ ધેહિ નાર્યૈ ॥

અશ્વેન રિષ્યેન ગવા
ક્રીતાસ્ય્ ઓષધે ।
અશ્વઃ શ્વેતો ધનં તવ
હિરણ્યં હરિતં તવ ।
દત્તા સોમેન રાજ્ઞેહ
પુંસવનં ભવ ॥

યન્ મે નૃમ્ણં દ્રવિણં બ્રાહ્મણં ચ
યચ્ ચ શ્રુતં યચ્ ચ રત્નં બિભર્મિ ।
એતન્ નો અત્ર નિધિપાનુ પાતુ
યાવદ્ ઐમિ સ્ત્રીયણમજ્મા વ્યજ્ય ॥

યન્ મે નૃમ્ણં દ્રવિણં બ્રાહ્મણં ચ
યે અગ્નયો ધૃષ્ણિયાસો મયીમે ।
હરિશ્ચન્દ્રો રક્ષતુ તન્ નો અત્ર
યાવદ્ ઐમિ પરો ગ્રામં ચરિત્વા ॥

એષ ઐમિ પરો ગ્રામં ચરિત્વા -
-અચ્છ નૃમ્ણં દ્રવિણં બ્રાહ્મણં ચ ।
યદ્ અત્રાપિ ત્વે શુચિ-
-ઇદં તદ્ અહમ્ આ દદે ॥

આ સૂર્યો હિ પ્રથમં દસ્યુહત્યાય
શક્ર હારી યુઞ્જાનો મઘવન્ સહસ્રમ્ ।
દાસં વર્ણં રન્ધયન્ન્ આર્યાય
યુઞ્જાનો બાહૂ પુરુહૂત વજ્રમ્ ॥

આહૃડતે દસ્યુહત્યાય
તૂર્ણ દૃઢાનિ પર્વા શૃણીહીન્દ્ર ।
તીવ્રાશ્રદ્ધો બહુલાન્ય્ એષામ્
અયુજ્વનો અર્પય સં વધેન ॥

દર્શન્ નુ ચિત્રપાવાનમ્ ઇન્દ્રં
બહુ સાકં શરાઁ ઇવ પત્યમાનાન્ ।
યે નો ઘૃષ્વિં મઘવાનં પૃતન્યાન્
અભીરુ તેષુ કવયો વવૃત્યુઃ ॥