Paippalāda-Saṃhitā · Chapter 19.38

mābhi gāyaḥ śābaleyaṃ
śauṇeyaṃ sādhuvāhinam |
namas te bhadrayā kṛṇmo
'vihvṛtā cakṣuṣā tvaṃ
śamakā śamayāti tvā ||

tṛndhi vi kṣiṇīhi
peśaḥ kurvāṇikā tvam |
jāreṇa patyā jakṣatī
gṛhān gopāyamānikā
śamakā śamayāti tvā ||

āṅkṣvābhyaṅkṣva -
- abhyaktā śamanaṃ gamaḥ |
atho pitṛbhyo gā iccha
vijñānena bhagena ca
śamakā śamayāti tvā ||

apehi manasas pāpa-
-apa krāma parastaram |
paro nirṛtyā ā cakṣur
bahutrā jīvato manaḥ ||

bhadraṃ vai varaṃ vṛṇate
bhadraṃ yuñjanti dakṣiṇam |
bhadraṃ vaivasvataṃ cakṣur
bahutrā jīvato manaḥ ||

yan me chidraṃ manaso yac ca vācaḥ
sarasvatīṃ manyucittaṃ jagāma |
viśvais tad devaiḥ saha saṃvidānaḥ
saṃ dadhātu bṛhaspatiḥ ||

sphirā sphirataraṃ
sphirā āttāraḥ |
śatahasta samāhara
sahasrahasta saṃ kira ||

ihaivā kira saṃ kira-
-ihaiva sphātim asphiram |
sphireyam astv oṣadhiḥ
samudrasyeva saṃsravaḥ ||

ut tirā ā gamann upa-
-ut tirāṇyāgaman |
vṛṣṭe śāpaṃ nadīr iva-
-iha sphātiṃ samāvahān ||

vi mayūkhā ā yacchantu
gardabhā iva duryujaḥ |
muhyantu sarve tantavo
vṛtā nāḍī vitantrike ||

pra vām īṣve patatāṃ
pra taṭā pra niveṣṭanam |
muhyantu sarve tantavo
andhe vitatavāyyau ||

āyavanī niveṣṭanaṃ
vratā tasaram īṣve |
muhyantu sarve tantavo
andhe vitata vāyyau ||

mayārakārī prathamā-
-ūrṇavābhir atho śakā |
devānāṃ patnīḥ kṛttikā
imaṃ tantum amūmuhan ||

agnir na etu prathamaḥ
puraetā bṛhaspatiḥ |
adhā bhaga pra ṇo yaccha
tvaṃ hi dhanadā asi ||

pra ṇaḥ śūdra utāryaḥ
pra ṇo rājota vṛtrahā |
atho yat sarvam ātmanvat
pra ṇo yacchatu dakṣiṇām ||

kavir yajñasya vi tanoṣi panthām
ṛtasya pṛṣṭhe adhi dīdhyānaḥ |
yena havyaṃ vahasi deva dūta
itaḥ pracetā amuto vanīyān ||

madhuhasto madhujihvo
madhuvarṇo madhuvrataḥ |
atho madhupraśāsano
bhago mā varcasāvatu ||