પૈપ્પલાદ-સંહિતા · અધ્યાય 19.38

માભિ ગાયઃ શાબલેયં
શૌણેયં સાધુવાહિનમ્ ।
નમસ્ તે ભદ્રયા કૃણ્મો
ઽવિહ્વૃતા ચક્ષુષા ત્વં
શમકા શમયાતિ ત્વા ॥

તૃન્ધિ વિ ક્ષિણીહિ
પેશઃ કુર્વાણિકા ત્વમ્ ।
જારેણ પત્યા જક્ષતી
ગૃહાન્ ગોપાયમાનિકા
શમકા શમયાતિ ત્વા ॥

આઙ્ક્ષ્વાભ્યઙ્ક્ષ્વ -
- અભ્યક્તા શમનં ગમઃ ।
અથો પિતૃભ્યો ગા ઇચ્છ
વિજ્ઞાનેન ભગેન ચ
શમકા શમયાતિ ત્વા ॥

અપેહિ મનસસ્ પાપ-
-અપ ક્રામ પરસ્તરમ્ ।
પરો નિરૃત્યા આ ચક્ષુર્
બહુત્રા જીવતો મનઃ ॥

ભદ્રં વૈ વરં વૃણતે
ભદ્રં યુઞ્જન્તિ દક્ષિણમ્ ।
ભદ્રં વૈવસ્વતં ચક્ષુર્
બહુત્રા જીવતો મનઃ ॥

યન્ મે છિદ્રં મનસો યચ્ ચ વાચઃ
સરસ્વતીં મન્યુચિત્તં જગામ ।
વિશ્વૈસ્ તદ્ દેવૈઃ સહ સંવિદાનઃ
સં દધાતુ બૃહસ્પતિઃ ॥

સ્ફિરા સ્ફિરતરં
સ્ફિરા આત્તારઃ ।
શતહસ્ત સમાહર
સહસ્રહસ્ત સં કિર ॥

ઇહૈવા કિર સં કિર-
-ઇહૈવ સ્ફાતિમ્ અસ્ફિરમ્ ।
સ્ફિરેયમ્ અસ્ત્વ્ ઓષધિઃ
સમુદ્રસ્યેવ સંસ્રવઃ ॥

ઉત્ તિરા આ ગમન્ન્ ઉપ-
-ઉત્ તિરાણ્યાગમન્ ।
વૃષ્ટે શાપં નદીર્ ઇવ-
-ઇહ સ્ફાતિં સમાવહાન્ ॥

વિ મયૂખા આ યચ્છન્તુ
ગર્દભા ઇવ દુર્યુજઃ ।
મુહ્યન્તુ સર્વે તન્તવો
વૃતા નાડી વિતન્ત્રિકે ॥

પ્ર વામ્ ઈષ્વે પતતાં
પ્ર તટા પ્ર નિવેષ્ટનમ્ ।
મુહ્યન્તુ સર્વે તન્તવો
અન્ધે વિતતવાય્યૌ ॥

આયવની નિવેષ્ટનં
વ્રતા તસરમ્ ઈષ્વે ।
મુહ્યન્તુ સર્વે તન્તવો
અન્ધે વિતત વાય્યૌ ॥

મયારકારી પ્રથમા-
-ઊર્ણવાભિર્ અથો શકા ।
દેવાનાં પત્નીઃ કૃત્તિકા
ઇમં તન્તુમ્ અમૂમુહન્ ॥

અગ્નિર્ ન એતુ પ્રથમઃ
પુરએતા બૃહસ્પતિઃ ।
અધા ભગ પ્ર ણો યચ્છ
ત્વં હિ ધનદા અસિ ॥

પ્ર ણઃ શૂદ્ર ઉતાર્યઃ
પ્ર ણો રાજોત વૃત્રહા ।
અથો યત્ સર્વમ્ આત્મન્વત્
પ્ર ણો યચ્છતુ દક્ષિણામ્ ॥

કવિર્ યજ્ઞસ્ય વિ તનોષિ પન્થામ્
ઋતસ્ય પૃષ્ઠે અધિ દીધ્યાનઃ ।
યેન હવ્યં વહસિ દેવ દૂત
ઇતઃ પ્રચેતા અમુતો વનીયાન્ ॥

મધુહસ્તો મધુજિહ્વો
મધુવર્ણો મધુવ્રતઃ ।
અથો મધુપ્રશાસનો
ભગો મા વર્ચસાવતુ ॥