Paippalāda-Saṃhitā · Chapter 19.35

viśve devā idaṃ havir
ādityāsaḥ saparyata |
asmin yajñe mā vyathiṣy
amṛtāya haviṣ kṛtam ||

avyasaś ca vyacasaś ca
bilaṃ vi ṣyāmi māyayā |
tābhyām udbhṛtya vedam
atha karmāṇi kṛṇmahe ||

yasmāt kośād udabharāma vedaṃ
tasminn antar ava dadhma enam |
kṛtam iṣṭaṃ brahmaṇo vīryeṇa
tena mā devās tapasāvateha ||

vaiśvānaro ajījanad
agnir no navyāṃ sumatim |
kṣmayā vṛdhāna ojasā ||

sa naḥ pāvaka dīhihy
agne vaiśvānara dyumat |
jamadagnibhir āhutaḥ ||

divas pṛṣṭho arocathā
agnir vaiśvānaro bṛhan |
jyotiṣā bādhate tamaḥ ||

hariṇasya patatriṇaḥ
śīrṣṇo bheṣajam ābhṛtam |
tan nīlavad vi lokavat
tad u kṣetriyanāśanam ||

anvamaṃstānumatir
anvaṃaṃsta vṛṣāyavaḥ |
kīnāśā anvamaṃsata-
-anu gāvo amaṃsata ||

namo astv āyāmibhyo
nīvibhyo hṛdayāya ca |
namaḥ kṣetrasya pataye
namaḥ kṣetrasya patnyai ||

ut te hārdiṃ śocayāmi
hastenābhimarīmṛśat |
keśin vṛṣaṇyayā tava
muṣkau mūrdhā na śuṣyatām ||

agniṣ ṭvā tapatu
sūryas tvā tapatu
vātas tvā yuṅktāṃ
marutaś ca yuñjatām |
mṛgān marīcīr apy etu te manaḥ ||

ut tvā hanmi nipadanād
ut tvā hanmi gṛhebhyaḥ |
mā spṛkṣathā niṣadanāya sādhava
ut tiṣṭha prehi sabhām ||

ut tuda śimidāvaty
atho ulkāvatīṃ kuru |
patye ca śvaśurāya ca ||

vibarhaṃ harāṃsayo rasaṃ
jñānam ati bhruvoḥ |
sākam ṛṣe vi nāśaya ||

sākaṃ vātasya dhrājyā
sākaṃ sūryasya raśmibhiḥ |
sākaṃ sūryeṇodyatā
sapatnīṃ nāśayāmasi ||