પૈપ્પલાદ-સંહિતા · અધ્યાય 19.35

વિશ્વે દેવા ઇદં હવિર્
આદિત્યાસઃ સપર્યત ।
અસ્મિન્ યજ્ઞે મા વ્યથિષ્ય્
અમૃતાય હવિષ્ કૃતમ્ ॥

અવ્યસશ્ ચ વ્યચસશ્ ચ
બિલં વિ ષ્યામિ માયયા ।
તાભ્યામ્ ઉદ્ભૃત્ય વેદમ્
અથ કર્માણિ કૃણ્મહે ॥

યસ્માત્ કોશાદ્ ઉદભરામ વેદં
તસ્મિન્ન્ અન્તર્ અવ દધ્મ એનમ્ ।
કૃતમ્ ઇષ્ટં બ્રહ્મણો વીર્યેણ
તેન મા દેવાસ્ તપસાવતેહ ॥

વૈશ્વાનરો અજીજનદ્
અગ્નિર્ નો નવ્યાં સુમતિમ્ ।
ક્ષ્મયા વૃધાન ઓજસા ॥

સ નઃ પાવક દીહિહ્ય્
અગ્ને વૈશ્વાનર દ્યુમત્ ।
જમદગ્નિભિર્ આહુતઃ ॥

દિવસ્ પૃષ્ઠો અરોચથા
અગ્નિર્ વૈશ્વાનરો બૃહન્ ।
જ્યોતિષા બાધતે તમઃ ॥

હરિણસ્ય પતત્રિણઃ
શીર્ષ્ણો ભેષજમ્ આભૃતમ્ ।
તન્ નીલવદ્ વિ લોકવત્
તદ્ ઉ ક્ષેત્રિયનાશનમ્ ॥

અન્વમંસ્તાનુમતિર્
અન્વંઅંસ્ત વૃષાયવઃ ।
કીનાશા અન્વમંસત-
-અનુ ગાવો અમંસત ॥

નમો અસ્ત્વ્ આયામિભ્યો
નીવિભ્યો હૃદયાય ચ ।
નમઃ ક્ષેત્રસ્ય પતયે
નમઃ ક્ષેત્રસ્ય પત્ન્યૈ ॥

ઉત્ તે હાર્દિં શોચયામિ
હસ્તેનાભિમરીમૃશત્ ।
કેશિન્ વૃષણ્યયા તવ
મુષ્કૌ મૂર્ધા ન શુષ્યતામ્ ॥

અગ્નિષ્ ટ્વા તપતુ
સૂર્યસ્ ત્વા તપતુ
વાતસ્ ત્વા યુઙ્ક્તાં
મરુતશ્ ચ યુઞ્જતામ્ ।
મૃગાન્ મરીચીર્ અપ્ય્ એતુ તે મનઃ ॥

ઉત્ ત્વા હન્મિ નિપદનાદ્
ઉત્ ત્વા હન્મિ ગૃહેભ્યઃ ।
મા સ્પૃક્ષથા નિષદનાય સાધવ
ઉત્ તિષ્ઠ પ્રેહિ સભામ્ ॥

ઉત્ તુદ શિમિદાવત્ય્
અથો ઉલ્કાવતીં કુરુ ।
પત્યે ચ શ્વશુરાય ચ ॥

વિબર્હં હરાંસયો રસં
જ્ઞાનમ્ અતિ ભ્રુવોઃ ।
સાકમ્ ઋષે વિ નાશય ॥

સાકં વાતસ્ય ધ્રાજ્યા
સાકં સૂર્યસ્ય રશ્મિભિઃ ।
સાકં સૂર્યેણોદ્યતા
સપત્નીં નાશયામસિ ॥