Paippalāda-Saṃhitā · Chapter 19.33

somo rājā savitā ca rājā
bhavo rājā bhuvanaṃ ca rājā |
śarvo rājā śarma ca rājā
ta u naḥ śarma yacchantu devāḥ ||

ādityair no bṛhaspatir
bhagaḥ somena naḥ saha |
viśve devā urv antarikṣaṃ
ta u naḥ śarma yacchantu devāḥ ||

utāviddhāṃ niṣkhidata-
-atho śrathnīthāyatām |
mā no viśve devā
maruto hetim asthata ||

apām idaṃ nyayanaṃ
samudrasya niveśanam |
madhye hradasya no gṛhāḥ
parācīnā mukhā kṛdhi ||

āyane te parāyaṇe
dūrvā rohatu puṣpiṇī |
utso vātra jāyatāṃ
hrado vā puṇḍarīkavān ||

himasya tvā jarāyuṇā
śāle pari vyayāmasi |
śītahradāya no bhuvo
'gnir dadātu bheṣajam ||

ayaṃ darbho vimanyukaḥ
svāya cāraṇāya ca |
manyor vimanyuko
manyuśamano astu te ||

ayaṃ yo bhūrimūlaḥ
samudram avagacchati |
darbhaḥ pṛthivyāṃ niṣṭhitaḥ
sa te astu vimanyukaḥ ||

vi te hanavyāṃ śaraṇiṃ
vi te mukhyāṃ nayāmasi |
yathāvaśo na vādiṣo
mama cittam upāsāsai ||

yebhiḥ pāśaiḥ parivitto vibaddhaḥ
parauparāv ārpito aṅgeaṅge |
vi te cṛtyantāṃ vicṛto hi santi
bhrūṇaghni pūsan duritāni mṛṣṭām ||

trite devā amṛjataina etat
trita enan manuṣyeṣv amṛṣṭa |
tato yadi tvā madhye na ārat
tad ahaṃ tvad brahmaṇāpā karomi ||

marīcīr dhūmaṃ pra viśānu vātam
udārān gacchota vā nīhāram |
nadīnāṃ phenam anu tad vi naśyatu
bhrūṇaghni pūṣan duritāni mṛṣṭām ||

agne rakṣaḥ prati daha
yat kumbhyābhir ābhṛtam |
anādhṛṣyaḥ sa yāsyaty
abhūj jīvātave ayam ||

yan nakhavad yac chaphavat
prasūmat kiṃ ca puṣpavat |
urvā matsyo madhūlakaṃ
tasya pāsyaty ayam
anāsrāvam arogaṇam ||

yāḥ samudrāt prasravanti
devīr himavatas pari |
āpo yā viśvaśambhuvas
tā ihā yantu bheṣajīḥ ||