પૈપ્પલાદ-સંહિતા · અધ્યાય 19.33

સોમો રાજા સવિતા ચ રાજા
ભવો રાજા ભુવનં ચ રાજા ।
શર્વો રાજા શર્મ ચ રાજા
ત ઉ નઃ શર્મ યચ્છન્તુ દેવાઃ ॥

આદિત્યૈર્ નો બૃહસ્પતિર્
ભગઃ સોમેન નઃ સહ ।
વિશ્વે દેવા ઉર્વ્ અન્તરિક્ષં
ત ઉ નઃ શર્મ યચ્છન્તુ દેવાઃ ॥

ઉતાવિદ્ધાં નિષ્ખિદત-
-અથો શ્રથ્નીથાયતામ્ ।
મા નો વિશ્વે દેવા
મરુતો હેતિમ્ અસ્થત ॥

અપામ્ ઇદં ન્યયનં
સમુદ્રસ્ય નિવેશનમ્ ।
મધ્યે હ્રદસ્ય નો ગૃહાઃ
પરાચીના મુખા કૃધિ ॥

આયને તે પરાયણે
દૂર્વા રોહતુ પુષ્પિણી ।
ઉત્સો વાત્ર જાયતાં
હ્રદો વા પુણ્ડરીકવાન્ ॥

હિમસ્ય ત્વા જરાયુણા
શાલે પરિ વ્યયામસિ ।
શીતહ્રદાય નો ભુવો
ઽગ્નિર્ દદાતુ ભેષજમ્ ॥

અયં દર્ભો વિમન્યુકઃ
સ્વાય ચારણાય ચ ।
મન્યોર્ વિમન્યુકો
મન્યુશમનો અસ્તુ તે ॥

અયં યો ભૂરિમૂલઃ
સમુદ્રમ્ અવગચ્છતિ ।
દર્ભઃ પૃથિવ્યાં નિષ્ઠિતઃ
સ તે અસ્તુ વિમન્યુકઃ ॥

વિ તે હનવ્યાં શરણિં
વિ તે મુખ્યાં નયામસિ ।
યથાવશો ન વાદિષો
મમ ચિત્તમ્ ઉપાસાસૈ ॥

યેભિઃ પાશૈઃ પરિવિત્તો વિબદ્ધઃ
પરૌપરાવ્ આર્પિતો અઙ્ગેઅઙ્ગે ।
વિ તે ચૃત્યન્તાં વિચૃતો હિ સન્તિ
ભ્રૂણઘ્નિ પૂસન્ દુરિતાનિ મૃષ્ટામ્ ॥

ત્રિતે દેવા અમૃજતૈન એતત્
ત્રિત એનન્ મનુષ્યેષ્વ્ અમૃષ્ટ ।
તતો યદિ ત્વા મધ્યે ન આરત્
તદ્ અહં ત્વદ્ બ્રહ્મણાપા કરોમિ ॥

મરીચીર્ ધૂમં પ્ર વિશાનુ વાતમ્
ઉદારાન્ ગચ્છોત વા નીહારમ્ ।
નદીનાં ફેનમ્ અનુ તદ્ વિ નશ્યતુ
ભ્રૂણઘ્નિ પૂષન્ દુરિતાનિ મૃષ્ટામ્ ॥

અગ્ને રક્ષઃ પ્રતિ દહ
યત્ કુમ્ભ્યાભિર્ આભૃતમ્ ।
અનાધૃષ્યઃ સ યાસ્યત્ય્
અભૂજ્ જીવાતવે અયમ્ ॥

યન્ નખવદ્ યચ્ છફવત્
પ્રસૂમત્ કિં ચ પુષ્પવત્ ।
ઉર્વા મત્સ્યો મધૂલકં
તસ્ય પાસ્યત્ય્ અયમ્
અનાસ્રાવમ્ અરોગણમ્ ॥

યાઃ સમુદ્રાત્ પ્રસ્રવન્તિ
દેવીર્ હિમવતસ્ પરિ ।
આપો યા વિશ્વશમ્ભુવસ્
તા ઇહા યન્તુ ભેષજીઃ ॥