Paippalāda-Saṃhitā · Chapter 17.20

yā vaśā udakalpayan
devā yajñād udetya |
tāsāṃ viliptyaṃ bhīmām
udākuruta nāradaḥ ||

tāṃ devā amīmāṃsanta
vaśeyāṃ na vaśeti |
tām abravīn nārada
eṣā vaśānāṃ vaśatamā ||

kati nu vaśā nārada
yās tvaṃ vettha manuṣyajāḥ |
katamāsāṃ bhīmatamā
kasyā nāśnīyād abrāhmaṇaḥ ||

viliptyā bṛhaspate
yā ca sūtavaśā vaśā |
tāsāṃ nāśnīyād abrāhmaṇo
ya āśaṃseti bhūtyām ||

namas te astu nārada-
-anuṣṭha viduṣe vaśā |
katamāsāṃ bhīmatamā
yām adattvā parābhavet ||

viliptyā bṛhaspate
yā ca sūtavaśā vaśā |
yāḥ prayacched brahmabhyo
ya āśaṃśeti bhūtyām ||

trīṇi vai vaśājātāni
viliptī sūtavaśā vaśā |
tāḥ pra yacched brahmabhyaḥ
syonāvaskaḥ prajāpatau ||

etad vo brāhmaṇā havir
iti manvīta yācitaḥ |
vaśāṃ ced enaṃ yāceyur
yā bhīmādaduṣo gṛhe ||

devā vaśām upāvadan
na no dād iti hīḍitāḥ |
etābhir ṛgbhir bhedasya
tasmād vai sa parābhavat ||

utaitāṃ bhedo nāradād
vaśām indreṇa yācitaḥ |
tasmāt taṃ devā enaso
vṛścann ahamuttare ||

ye vaśāyā adānāya
vadanti parirāpinaḥ |
indrasya manyave jālmā
ā vṛścante acityā ||

yo gopatiṃ pārāṇīya-
-athāhur mā dadā iti |
rudrasyās tāṃ hetiṃ te
pari yanty acetasaḥ ||

yadi hutāṃ yady ahutām
amā ca pacate vaśām |
devān sabrāhmaṇān ṛtvā
jihmo lokān nir ṛcchati ||