Paippalāda-Saṃhitā · Chapter 17.19
manasā saṃkalpayati
tad devām̐ api gacchati |
atho ha brahmāṇo vaśām
upaprayanti yācitum ||
svadhākāreṇa pitṛbhyo
yajñena devatābhyaḥ |
dānena rājanyo vaśāyā
mātur heḍaṃ na gacchati ||
vaśā rājanya te mātā
tathā saṃbhūtam agraśaḥ |
tasyā āhur anarpaṇaṃ
ya brahmabhyaḥ pradīyate ||
yathājyaṃ pratigṛhītam
ālumpet sruco agnaye |
evā ha brahmāṇo vaśām
āgnaye vṛścate 'dadhat ||
puroḍāśavatsā sudughā
loke asyopa tiṣṭhati |
sāsmai sarvān kāmān duhe
vaśā pradaduṣe bahūn ||
sarvān kāmān yamarājye
vaśā pradaduṣe duhe |
athāhur nārakaṃ lokaṃ
nirundhānasya yācitām ||
pravīyamānā carati
kruddhā gopataye vaśā |
vehataṃ mā manyamāno
mṛtyoḥ pāśeṣu badhyatām ||
yo vehataṃ manyamāno
gṛheṣu pacate vaśām |
apy asya putrān pautrāṃś ca
yācayate bṛhaspatiḥ ||
mahad eṣā vi tapati
carantī goṣu gaur api |
tato ha gopataye vaśā
daduṣe viṣaṃ duhe ||
priyaṃ paśūnāṃ bhavati
yad brahmabhyaḥ pradīyate |
ato vaśāyās tat priyaṃ
yad devatrā haviḥ syāt ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0