પૈપ્પલાદ-સંહિતા · અધ્યાય 17.20

યા વશા ઉદકલ્પયન્
દેવા યજ્ઞાદ્ ઉદેત્ય ।
તાસાં વિલિપ્ત્યં ભીમામ્
ઉદાકુરુત નારદઃ ॥

તાં દેવા અમીમાંસન્ત
વશેયાં ન વશેતિ ।
તામ્ અબ્રવીન્ નારદ
એષા વશાનાં વશતમા ॥

કતિ નુ વશા નારદ
યાસ્ ત્વં વેત્થ મનુષ્યજાઃ ।
કતમાસાં ભીમતમા
કસ્યા નાશ્નીયાદ્ અબ્રાહ્મણઃ ॥

વિલિપ્ત્યા બૃહસ્પતે
યા ચ સૂતવશા વશા ।
તાસાં નાશ્નીયાદ્ અબ્રાહ્મણો
ય આશંસેતિ ભૂત્યામ્ ॥

નમસ્ તે અસ્તુ નારદ-
-અનુષ્ઠ વિદુષે વશા ।
કતમાસાં ભીમતમા
યામ્ અદત્ત્વા પરાભવેત્ ॥

વિલિપ્ત્યા બૃહસ્પતે
યા ચ સૂતવશા વશા ।
યાઃ પ્રયચ્છેદ્ બ્રહ્મભ્યો
ય આશંશેતિ ભૂત્યામ્ ॥

ત્રીણિ વૈ વશાજાતાનિ
વિલિપ્તી સૂતવશા વશા ।
તાઃ પ્ર યચ્છેદ્ બ્રહ્મભ્યઃ
સ્યોનાવસ્કઃ પ્રજાપતૌ ॥

એતદ્ વો બ્રાહ્મણા હવિર્
ઇતિ મન્વીત યાચિતઃ ।
વશાં ચેદ્ એનં યાચેયુર્
યા ભીમાદદુષો ગૃહે ॥

દેવા વશામ્ ઉપાવદન્
ન નો દાદ્ ઇતિ હીડિતાઃ ।
એતાભિર્ ઋગ્ભિર્ ભેદસ્ય
તસ્માદ્ વૈ સ પરાભવત્ ॥

ઉતૈતાં ભેદો નારદાદ્
વશામ્ ઇન્દ્રેણ યાચિતઃ ।
તસ્માત્ તં દેવા એનસો
વૃશ્ચન્ન્ અહમુત્તરે ॥

યે વશાયા અદાનાય
વદન્તિ પરિરાપિનઃ ।
ઇન્દ્રસ્ય મન્યવે જાલ્મા
આ વૃશ્ચન્તે અચિત્યા ॥

યો ગોપતિં પારાણીય-
-અથાહુર્ મા દદા ઇતિ ।
રુદ્રસ્યાસ્ તાં હેતિં તે
પરિ યન્ત્ય્ અચેતસઃ ॥

યદિ હુતાં યદ્ય્ અહુતામ્
અમા ચ પચતે વશામ્ ।
દેવાન્ સબ્રાહ્મણાન્ ઋત્વા
જિહ્મો લોકાન્ નિર્ ઋચ્છતિ ॥