પૈપ્પલાદ-સંહિતા · અધ્યાય 17.19

મનસા સંકલ્પયતિ
તદ્ દેવાઁ અપિ ગચ્છતિ ।
અથો હ બ્રહ્માણો વશામ્
ઉપપ્રયન્તિ યાચિતુમ્ ॥

સ્વધાકારેણ પિતૃભ્યો
યજ્ઞેન દેવતાભ્યઃ ।
દાનેન રાજન્યો વશાયા
માતુર્ હેડં ન ગચ્છતિ ॥

વશા રાજન્ય તે માતા
તથા સંભૂતમ્ અગ્રશઃ ।
તસ્યા આહુર્ અનર્પણં
ય બ્રહ્મભ્યઃ પ્રદીયતે ॥

યથાજ્યં પ્રતિગૃહીતમ્
આલુમ્પેત્ સ્રુચો અગ્નયે ।
એવા હ બ્રહ્માણો વશામ્
આગ્નયે વૃશ્ચતે ઽદધત્ ॥

પુરોડાશવત્સા સુદુઘા
લોકે અસ્યોપ તિષ્ઠતિ ।
સાસ્મૈ સર્વાન્ કામાન્ દુહે
વશા પ્રદદુષે બહૂન્ ॥

સર્વાન્ કામાન્ યમરાજ્યે
વશા પ્રદદુષે દુહે ।
અથાહુર્ નારકં લોકં
નિરુન્ધાનસ્ય યાચિતામ્ ॥

પ્રવીયમાના ચરતિ
ક્રુદ્ધા ગોપતયે વશા ।
વેહતં મા મન્યમાનો
મૃત્યોઃ પાશેષુ બધ્યતામ્ ॥

યો વેહતં મન્યમાનો
ગૃહેષુ પચતે વશામ્ ।
અપ્ય્ અસ્ય પુત્રાન્ પૌત્રાંશ્ ચ
યાચયતે બૃહસ્પતિઃ ॥

મહદ્ એષા વિ તપતિ
ચરન્તી ગોષુ ગૌર્ અપિ ।
તતો હ ગોપતયે વશા
દદુષે વિષં દુહે ॥

પ્રિયં પશૂનાં ભવતિ
યદ્ બ્રહ્મભ્યઃ પ્રદીયતે ।
અતો વશાયાસ્ તત્ પ્રિયં
યદ્ દેવત્રા હવિઃ સ્યાત્ ॥