Paippalāda-Saṃhitā · Chapter 16.84
śarkarāḥ sikatā aśmāna
oṣadhayo vīrudhas tṛṇā |
abhrāṇi vidyuto varṣam
ucchiṣṭe saṃśritā śritā ||
rāddhiḥ prāptir vyāptiḥ
samāptir maha edhatuḥ |
atyāptir ucchiṣṭe bhūtir
āhitā nihitā hitā ||
yac ca prāṇati prāṇena
yac ca paśyati cakṣuṣā |
ucchiṣṭāj jajñire sarve
divi devā diviśritaḥ ||
prāṇāpānau cakṣuḥ śrotram
akṣitiś ca kṣitiś ca yā |
(…) ||
devāḥ pitaro manuṣyā
gandharvāpasaraś ca ye |
(…) ||
ṛcaḥ sāmāni chandāṃsi
purāṇaṃ yajuṣā saha |
(…) ||
atharvāṅgiraso brahma
sarpapuṇyajanāś ca ye |
(…) ||
ānandāś ca pramodāś ca-
-abhīmodamudaś ca ye |
ucchiṣṭāj jajñire sarve
divi devā diviśritaḥ ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0