पैप्पलाद-संहिता · अध्याय 16.84
शर्कराः सिकता अश्मान
ओषधयो वीरुधस् तृणा ।
अभ्राणि विद्युतो वर्षम्
उच्छिष्टे संश्रिता श्रिता ॥
राद्धिः प्राप्तिर् व्याप्तिः
समाप्तिर् मह एधतुः ।
अत्याप्तिर् उच्छिष्टे भूतिर्
आहिता निहिता हिता ॥
यच् च प्राणति प्राणेन
यच् च पश्यति चक्षुषा ।
उच्छिष्टाज् जज्ञिरे सर्वे
दिवि देवा दिविश्रितः ॥
प्राणापानौ चक्षुः श्रोत्रम्
अक्षितिश् च क्षितिश् च या ।
(…) ॥
देवाः पितरो मनुष्या
गन्धर्वापसरश् च ये ।
(…) ॥
ऋचः सामानि छन्दांसि
पुराणं यजुषा सह ।
(…) ॥
अथर्वाङ्गिरसो ब्रह्म
सर्पपुण्यजनाश् च ये ।
(…) ॥
आनन्दाश् च प्रमोदाश् च-
-अभीमोदमुदश् च ये ।
उच्छिष्टाज् जज्ञिरे सर्वे
दिवि देवा दिविश्रितः ॥
मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0