Paippalāda-Saṃhitā · Chapter 16.79

yau te mātonmamārja
jātāyāḥ pativedanau |
durṇāmā tatra mā gṛdhad
aliṃśa uta vatsapaḥ ||

palālānupalālau śarkuṃ
kokaṃ malimrucaṃ palījakam |
āśleṣaṃ vavrivāsasam
ṛkṣagrīvaṃ pramīlinaṃ
muṣkayor apa hanmasi ||

mā saṃ vṛto mopa sṛpa
ūrū māva sṛpo 'ntarā |
kṛṇomy asyai bheṣajaṃ
bajaṃ durṇāmacātanam ||

durṇāmā ca sunāmā ca-
-ubhau saṃvṛtam icchataḥ |
arāyam apa hanmasi
sunāmā straiṇam icchatām ||

yaḥ kṛṣṇaḥ keśy asura
stambajā uta taṇḍikaḥ |
arāyān asyā bhaṃsaso
muṣkayor apa hanmasi ||

anujighraṃ pramṛśantaṃ
kravyādam uta reriham |
arāyaṃ śvakiṣkiṇaṃ
bajaḥ piṅgo anīnaśat ||

yas tvā suptāṃ tsarati
yaś ca dipsati jāgratīm |
chāyām iva pra tān sūryaḥ
parikrāmam anīnaśat ||

yas tvā suptāṃ nipadyate
bhrātā bhūtvā piteva ca |
bajas tvaṃ sahatām itaḥ
klībarūpaṃ tirīṭinam ||

yaḥ kṛṇoty avatokāṃ
mṛtavatsām imāṃ striyam |
tam oṣadhe tvaṃ nāśaya-
-asyāḥ kamalam añjivam ||

ye śālāḥ parinṛtyanti
sāyaṃ gardabhanādinaḥ
kusūlā ye ca kukṣilāḥ
kakubhāḥ saramāḥ sumāḥ |
tān oṣadhe tvaṃ gandhena
viṣūcīnān vi nāśaya ||