Paippalāda-Saṃhitā · Chapter 16.44
antardeśā abadhnata
pradiśas tam abadhnata |
prajāpatisṛṣṭo maṇir
dviṣato me adharām̐ akaḥ ||
ṛtavas tam abadhnata-
-ārtavās tam abadhnata |
saṃvatsaras taṃ baddhvā
sarvaṃ bhūtaṃ vi rājati ||
atharvāṇo abadhnata-
-ātharvāṇā abadhnata |
aṅgirasas taṃ baddhvā
dasyūnāṃ bibidhuḥ puraḥ ||
taṃ dhātā praty amuñcata
sa bhūtāny akalpayat |
tena tvaṃ dviṣato jahi ||
yam abadhnād bṛhaspatir
devebhyo asurakṣitim |
sa tvāyaṃ maṇir āgamat
saha gobhir ajāvibhir
annena prajayā saha ||
(…) |
(…) āgaman
madhor ghṛtasya dhārayā
kilālena śriyā saha ||
yam abadhnād bṛhaspatir
devebhyo asurakṣitim |
sa tvāyaṃ maṇir āgamad
ojasā tejasā sahasā bhūtyā
draviṇena śriyā saha ||
yasya lokā ime trayaḥ
payo dugdham upāsate |
sa tvāyam abhi rakṣatu
maṇiḥ śraiṣṭhyāya mūrdhataḥ ||
sa tvāyaṃ śatadakṣiṇo
maṇiḥ śraiṣṭhyāya jinvatu |
yaṃ devāḥ pitaro manuṣyā
upajīvanti sarvadā ||
yasmai tvā yajñavardhana
maṇe pratyamucaṃ śivam |
taṃ tvaṃ śatadakṣiṇa
maṇe śraiṣṭhyāya jinvatāt ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0