પૈપ્પલાદ-સંહિતા · અધ્યાય 16.44

અન્તર્દેશા અબધ્નત
પ્રદિશસ્ તમ્ અબધ્નત ।
પ્રજાપતિસૃષ્ટો મણિર્
દ્વિષતો મે અધરાઁ અકઃ ॥

ઋતવસ્ તમ્ અબધ્નત-
-આર્તવાસ્ તમ્ અબધ્નત ।
સંવત્સરસ્ તં બદ્ધ્વા
સર્વં ભૂતં વિ રાજતિ ॥

અથર્વાણો અબધ્નત-
-આથર્વાણા અબધ્નત ।
અઙ્ગિરસસ્ તં બદ્ધ્વા
દસ્યૂનાં બિબિધુઃ પુરઃ ॥

તં ધાતા પ્રત્ય્ અમુઞ્ચત
સ ભૂતાન્ય્ અકલ્પયત્ ।
તેન ત્વં દ્વિષતો જહિ ॥

યમ્ અબધ્નાદ્ બૃહસ્પતિર્
દેવેભ્યો અસુરક્ષિતિમ્ ।
સ ત્વાયં મણિર્ આગમત્
સહ ગોભિર્ અજાવિભિર્
અન્નેન પ્રજયા સહ ॥

(…) ।
(…) આગમન્
મધોર્ ઘૃતસ્ય ધારયા
કિલાલેન શ્રિયા સહ ॥

યમ્ અબધ્નાદ્ બૃહસ્પતિર્
દેવેભ્યો અસુરક્ષિતિમ્ ।
સ ત્વાયં મણિર્ આગમદ્
ઓજસા તેજસા સહસા ભૂત્યા
દ્રવિણેન શ્રિયા સહ ॥

યસ્ય લોકા ઇમે ત્રયઃ
પયો દુગ્ધમ્ ઉપાસતે ।
સ ત્વાયમ્ અભિ રક્ષતુ
મણિઃ શ્રૈષ્ઠ્યાય મૂર્ધતઃ ॥

સ ત્વાયં શતદક્ષિણો
મણિઃ શ્રૈષ્ઠ્યાય જિન્વતુ ।
યં દેવાઃ પિતરો મનુષ્યા
ઉપજીવન્તિ સર્વદા ॥

યસ્મૈ ત્વા યજ્ઞવર્ધન
મણે પ્રત્યમુચં શિવમ્ ।
તં ત્વં શતદક્ષિણ
મણે શ્રૈષ્ઠ્યાય જિન્વતાત્ ॥