Scripture Library

Paippalāda-Saṃhitā · Chapter 16.45

16.45.1

asapatnaḥ sapatnahā
sapatnān me adharām̐ akaḥ |
uttaraṃ dviṣatas tvā
maṇiḥ kṛṇotu devajāḥ ||

16.45.2

maṇiṃ sahasravīryaṃ
brahmaṇā tejasā saha
prati muñcāmi te śivam |
sa tvāyam abhi rohatu
devaiḥ phālamaṇiḥ saha ||

16.45.3

yathā bījam urvarāyāṃ
kṛṣṭe phālena rohati |
evāsmin prajā paśavo
annamannaṃ vi rohatu ||

16.45.4

etam idhmaṃ samābhṛtaṃ juṣāṇo
agne prati harya homam |
tasmin videma sumatiṃ svasti
cakṣuḥ prāṇaṃ prajāṃ paśūn
jātavedasi brahmaṇā ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0