Paippalāda-Saṃhitā · Chapter 16.43
taṃ somaḥ praty amuñcata
draviṇāya rasāya kam |
so asmai maha id duhe
(…) ||
taṃ bibhrac candramā maṇim
asurāṇāṃ puro 'jayad
dānavānāṃ hiraṇyayīḥ
so asmai teja id duhe
(…) ||
taṃ rājā varuṇo maṇiṃ
praty amuñcata śaṃbhuvaṃ
so asmai rājyaṃ duhe
(…) ||
taṃ tvaṣṭā praty amuñcata
prajābhyo vīryāya kaṃ
so asmai rūpam id duhe
(…) ||
taṃ bibhrat savitā maṇiṃ
tenedam ajayat svaḥ
so asmai sūnṛtāṃ duhe
(…) ||
tam āpo bibhratīr maṇiṃ
sadā dhāvanty akṣitāḥ
sa ābhyo amṛtaṃ duhe
(…) ||
tenemāṃ maṇinā kṛṣim
aśvināv abhi rakṣataḥ
sa bhiṣagbhyāṃ payo duhe
(…) ||
yam abadhnād bṛhaspatir
vātāya maṇim āśave
so asmai vācam id duhe
(…) ||
taṃ devā bibhrato maṇiṃ
sarvām̐l lokān yudhājayan
sa ebhyo jitam id duhe
(…) ||
tam imaṃ devatā maṇiṃ
tubhyaṃ dadhatu bhartave
sa u te bhūtim id duhām |
bhūyobhūyaḥ śvaḥśvas
tena tvaṃ dviṣato jahi ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0