પૈપ્પલાદ-સંહિતા · અધ્યાય 16.43
તં સોમઃ પ્રત્ય્ અમુઞ્ચત
દ્રવિણાય રસાય કમ્ ।
સો અસ્મૈ મહ ઇદ્ દુહે
(…) ॥
તં બિભ્રચ્ ચન્દ્રમા મણિમ્
અસુરાણાં પુરો ઽજયદ્
દાનવાનાં હિરણ્યયીઃ
સો અસ્મૈ તેજ ઇદ્ દુહે
(…) ॥
તં રાજા વરુણો મણિં
પ્રત્ય્ અમુઞ્ચત શંભુવં
સો અસ્મૈ રાજ્યં દુહે
(…) ॥
તં ત્વષ્ટા પ્રત્ય્ અમુઞ્ચત
પ્રજાભ્યો વીર્યાય કં
સો અસ્મૈ રૂપમ્ ઇદ્ દુહે
(…) ॥
તં બિભ્રત્ સવિતા મણિં
તેનેદમ્ અજયત્ સ્વઃ
સો અસ્મૈ સૂનૃતાં દુહે
(…) ॥
તમ્ આપો બિભ્રતીર્ મણિં
સદા ધાવન્ત્ય્ અક્ષિતાઃ
સ આભ્યો અમૃતં દુહે
(…) ॥
તેનેમાં મણિના કૃષિમ્
અશ્વિનાવ્ અભિ રક્ષતઃ
સ ભિષગ્ભ્યાં પયો દુહે
(…) ॥
યમ્ અબધ્નાદ્ બૃહસ્પતિર્
વાતાય મણિમ્ આશવે
સો અસ્મૈ વાચમ્ ઇદ્ દુહે
(…) ॥
તં દેવા બિભ્રતો મણિં
સર્વાઁલ્ લોકાન્ યુધાજયન્
સ એભ્યો જિતમ્ ઇદ્ દુહે
(…) ॥
તમ્ ઇમં દેવતા મણિં
તુભ્યં દધતુ ભર્તવે
સ ઉ તે ભૂતિમ્ ઇદ્ દુહામ્ ।
ભૂયોભૂયઃ શ્વઃશ્વસ્
તેન ત્વં દ્વિષતો જહિ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0