પૈપ્પલાદ-સંહિતા · અધ્યાય 16.42

અરાતીયોર્ ભ્રાતૃવ્યસ્ય
દુર્હાર્દો દ્વિષતઃ શિરઃ ।
પ્ર વૃશ્ચામીદમ્ ઓજસા ॥

વર્મ મહ્યમ્ અયં મણિઃ
ફાલાજ્ જાતઃ કરિષ્યતિ ।
તૃપ્તો મન્થેન માગમદ્
રસેન સહ વર્ચસા ॥

યત્ ત્વા શિક્વઃ પરાવધીત્
તક્ષા હસ્તેન વાસ્યા ।
આપસ્ ત્વા તસ્માજ્ જીવલાઃ
પુનન્તુ શુચયઃ શુચિમ્ ॥

હિરણ્યસ્રગ્ અયં મણિર્
દુહાનો વસ્વ્ અક્ષિતમ્ ।
શ્રદ્ધાં યજ્ઞં મહો દધદ્
ગૃહે વસતુ નો ઽતિથિઃ ॥ [ભત્ત્. નોતિથિઃ

તસ્મૈ ઘૃતં સુરાં મધ્વ્
અન્નમ્ અન્નં ક્ષદામહે ।
સ નઃ પિતેવ પુત્રેભ્યઃ
શ્રેયઃશ્રેયશ્ ચિકિત્સતુ
દેવેભ્યો મણિર્ એત્ય ॥

યમ્ અબધ્નાદ્ બૃહસ્પતિર્
મણિં ફાલં ઘૃતશ્ચુતમ્
ઉગ્રં ખદિરમ્ ઓજસે ।
તેન ત્વં દ્વિષતો જહિ ॥

તમ્ અગ્નિઃ પ્રત્ય્ અમુઞ્ચત-
-આજ્યાય રસાય કં
સો અસ્મા આજ્યં દુહે ।
ભૂયોભૂયઃ શ્વઃશ્વસ્
તેન ત્વં દ્વિષતો જહિ ॥

યમ્ અબધ્નાદ્ બૃહસ્પતિર્
મણિં ફાલં ઘૃતશ્ચુતમ્
ઉગ્રં ખદિરમ્ ઓજસે ।
તેન ત્વં દ્વિષતો (…) ॥

તમ્ ઇન્દ્રઃ પ્રત્ય્ અમુઞ્ચત-
-ઓજસે વીર્યાય કં
સો અસ્મૈ બલમ્ ઇદ્ દુહે ।
(…) ॥

તં સૂર્યઃ પ્રત્ય્ અમુઞ્ચત
તેનેમા અજયદ્ દિશઃ
સો અસ્મૈ વર્ચ ઇદ્ દુહે ।
(…) ॥