Paippalāda-Saṃhitā · Chapter 16.155
pārthivā divyāḥ paśava
āraṇyā grāmyā ca ye |
apakṣāḥ pakṣiṇaś ca ye
te jātā brahmacāriṇaḥ ||
pṛthak sarve prajāpatyāḥ
prāṇām̐ ātmasu bibhrati |
sarvāṃs tān brahma rakṣati
brahmacāriṇy ābhṛtam ||
brahmacārī brahma bhrājad bibharti
tasmin devā adhi viśve sametāḥ |
sa snāto babhruḥ piṅgalaḥ
pṛthivyāṃ bahu rocate ||
devānām etat pariṣūtam
anabhyārūḍhaṃ carati rocamānam |
tasmin sarve paśavas tatra yajñās
tasminn annaṃ saha devatābhiḥ ||
prāṇāpānau janayann ād vyānaṃ
cakṣuḥ śrotraṃ janayan brahma medhām |
vācaṃ śreṣṭhāṃ yaśo asmāsu dhehy ||
annaṃ reto lohitam udaraṃ tāni kalpan |
brahmacārī salilasya pṛṣṭhe
tapo 'tiṣṭhat tapyamānaḥ samudre ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0