પૈપ્પલાદ-સંહિતા · અધ્યાય 16.155

પાર્થિવા દિવ્યાઃ પશવ
આરણ્યા ગ્રામ્યા ચ યે ।
અપક્ષાઃ પક્ષિણશ્ ચ યે
તે જાતા બ્રહ્મચારિણઃ ॥

પૃથક્ સર્વે પ્રજાપત્યાઃ
પ્રાણાઁ આત્મસુ બિભ્રતિ ।
સર્વાંસ્ તાન્ બ્રહ્મ રક્ષતિ
બ્રહ્મચારિણ્ય્ આભૃતમ્ ॥

બ્રહ્મચારી બ્રહ્મ ભ્રાજદ્ બિભર્તિ
તસ્મિન્ દેવા અધિ વિશ્વે સમેતાઃ ।
સ સ્નાતો બભ્રુઃ પિઙ્ગલઃ
પૃથિવ્યાં બહુ રોચતે ॥

દેવાનામ્ એતત્ પરિષૂતમ્
અનભ્યારૂઢં ચરતિ રોચમાનમ્ ।
તસ્મિન્ સર્વે પશવસ્ તત્ર યજ્ઞાસ્
તસ્મિન્ન્ અન્નં સહ દેવતાભિઃ ॥

પ્રાણાપાનૌ જનયન્ન્ આદ્ વ્યાનં
ચક્ષુઃ શ્રોત્રં જનયન્ બ્રહ્મ મેધામ્ ।
વાચં શ્રેષ્ઠાં યશો અસ્માસુ ધેહ્ય્ ॥

અન્નં રેતો લોહિતમ્ ઉદરં તાનિ કલ્પન્ ।
બ્રહ્મચારી સલિલસ્ય પૃષ્ઠે
તપો ઽતિષ્ઠત્ તપ્યમાનઃ સમુદ્રે ॥