Paippalāda-Saṃhitā · Chapter 16.149

yat te gulphayor daurbhāgyaṃ
pādayor aṅgulīr anu |
(…) ||

(yat) te paruṣu daurbhāgyaṃ
māṃse asthiṣu majjasu |
(…) ||

yat te kiṃ ca daurbhāgyam
aṅgeaṅge pratiṣṭhitaṃ
yad vā lomasu viṣṭhitam |
(…) ||

yat te akṣeṣu daurbhāgyaṃ
prahāyām adhidevane |
(…) ||

yat te paśuṣu daurbhāgyaṃ
kṛṣyām aśaner hitam |
(…) ||

yā te lakṣmīr brūṇahatyā-
-atho yā te aputratā |
(…) ||

yat te diṣṭaṃ pitṛṣadyam
atho yā te apacitā |
(…) ||

yā te kā ca pāpī lakṣmīr
atho yā te apaśutā |
ayaṃ tad viśvabheṣajo
apāmārgo 'pa lumpatu ||

kaṇṭhadaghnām ahimārttinṛṇāṃ
devebhyaḥ kilbiṣaṃ yad babhūva |
imās tad āpaḥ pra vahantu ripraṃ
punātu mā śatadhāraṃ pavitram ||

snāhi ripraṃ śamalaṃ ca sarvaṃ
kṛṣṇe cele sādayitvā pāpam |
hitvāvartiṃ nirṛtiṃ mṛtyupāśān
sūryaṃ jyotir abhy ehy agnim ||

udyanto asmān mahataḥ samudrān
mucyamāno aṃhasaḥ pāpmanaś ca |
punar manaḥ punar āyur na āgan
mā mā dabhan paṇayo yātudhānāḥ ||

ava ripram anikṣmahy
aśastim adhy ātmanaḥ |
varca ā dhīyatāṃ mayi
teja ā dhīyatāṃ mayi |
prāṇāpānau mā mā hāsiṣṭaṃ
sarvam āyur aśīya ||