પૈપ્પલાદ-સંહિતા · અધ્યાય 16.149

યત્ તે ગુલ્ફયોર્ દૌર્ભાગ્યં
પાદયોર્ અઙ્ગુલીર્ અનુ ।
(…) ॥

(યત્) તે પરુષુ દૌર્ભાગ્યં
માંસે અસ્થિષુ મજ્જસુ ।
(…) ॥

યત્ તે કિં ચ દૌર્ભાગ્યમ્
અઙ્ગેઅઙ્ગે પ્રતિષ્ઠિતં
યદ્ વા લોમસુ વિષ્ઠિતમ્ ।
(…) ॥

યત્ તે અક્ષેષુ દૌર્ભાગ્યં
પ્રહાયામ્ અધિદેવને ।
(…) ॥

યત્ તે પશુષુ દૌર્ભાગ્યં
કૃષ્યામ્ અશનેર્ હિતમ્ ।
(…) ॥

યા તે લક્ષ્મીર્ બ્રૂણહત્યા-
-અથો યા તે અપુત્રતા ।
(…) ॥

યત્ તે દિષ્ટં પિતૃષદ્યમ્
અથો યા તે અપચિતા ।
(…) ॥

યા તે કા ચ પાપી લક્ષ્મીર્
અથો યા તે અપશુતા ।
અયં તદ્ વિશ્વભેષજો
અપામાર્ગો ઽપ લુમ્પતુ ॥

કણ્ઠદઘ્નામ્ અહિમાર્ત્તિનૃણાં
દેવેભ્યઃ કિલ્બિષં યદ્ બભૂવ ।
ઇમાસ્ તદ્ આપઃ પ્ર વહન્તુ રિપ્રં
પુનાતુ મા શતધારં પવિત્રમ્ ॥

સ્નાહિ રિપ્રં શમલં ચ સર્વં
કૃષ્ણે ચેલે સાદયિત્વા પાપમ્ ।
હિત્વાવર્તિં નિરૃતિં મૃત્યુપાશાન્
સૂર્યં જ્યોતિર્ અભ્ય્ એહ્ય્ અગ્નિમ્ ॥

ઉદ્યન્તો અસ્માન્ મહતઃ સમુદ્રાન્
મુચ્યમાનો અંહસઃ પાપ્મનશ્ ચ ।
પુનર્ મનઃ પુનર્ આયુર્ ન આગન્
મા મા દભન્ પણયો યાતુધાનાઃ ॥

અવ રિપ્રમ્ અનિક્ષ્મહ્ય્
અશસ્તિમ્ અધ્ય્ આત્મનઃ ।
વર્ચ આ ધીયતાં મયિ
તેજ આ ધીયતાં મયિ ।
પ્રાણાપાનૌ મા મા હાસિષ્ટં
સર્વમ્ આયુર્ અશીય ॥