Paippalāda-Saṃhitā · Chapter 16.148
yat te pṛṣṭiṣu daurbhāgyaṃ
jaghane sphijor hitam |
(…) ||
yat ta urasi daurbhāgyaṃ
pārśvayo stanayor hitam |
(…) ||
yat te hṛdaye daurbhāgyaṃ
nābhyāṃ vakṣaṇā anu |
(…) ||
yat te plīhni daurbhāgyaṃ
yad vā yakani vṛkkayoḥ |
(…) ||
yat te gudāsv āntreṣu
daurbhāgyam udare hitam |
(…) ||
yat te vastau daurbhāgyaṃ
vaniṣṭhau plāśāv āhitam |
(…) ||
yat te bhaṃsasi daurbhāgyaṃ
yad vā yāśuṣu muṣkayoḥ |
(…) ||
yat te śroṇyor daurbhāgyam
avacālūśayor hitam |
(…) ||
yat te bhasadi daurbhāgyam
ūrvor jānunor hitam |
(…) ||
yat te jaṅghayor daurbhāgyaṃ
sthūrayoḥ pārṣṇyor hitam |
(…) ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0