Paippalāda-Saṃhitā · Chapter 16.133

virāḍ vā idam agre 'jāyata
tasyā jātāyā abibhet sarvam |
iyam evedaṃ bhaviṣyati na vayam iti ||

sod akrāmat sā dakṣiṇāgnau ny akrāmat |
yajñarto vāsateyo bhavati ya evaṃ veda ||

(…) sā gārhapatye ny akrāmat |
gṛhamedhī gṛhapatir bhavati (…) ||

(…) sāhavanīye ny akrāmat |
yanty asya devā devahūtiṃ priyo devānāṃ bhavati (…) ||

(…) sā sabhāyāṃ ni (…) |
yanty asya sabhāṃ sabhyo bhavati (…) ||

(…) sā samitau ni (…) |
yanty asya samitiṃ sāmityo bhavati (…) ||

(…) sāmantraṇe ny akrāmat |
yanty asyāmantraṇam āmantraṇīyo bhavati ya evaṃ veda ||

(…) sāntarikṣe caturdhā vikrāntātiṣṭhat
tāṃ devamanuṣyā abruvann
iyaṃ tad veda yad ubhaya upajīvema-
-imām upa hvayāmahā iti tām upahvāyanta |
ūrja ehi svadha ehi sūnṛta ehīrāvaty ehīti |
tasyā agnir vatsa āsīd gāyatry abhidhāny abhram ūdhaḥ ||

tasyā bṛhac ca rathantaraṃ ca dvau stanāv āstāṃ
yajñāyajñiyaṃ ca vāmadevyaṃ ca dvau |
oṣadhīr vai rathantaraṃ
devā aduhran vyaco bṛhad
apo vāmadevyaṃ yajñaṃ yajñāyajñiyam ||

ete vai virājaḥ kāmadugha stanāḥ |
kāmaṃkāmaṃ virājaṃ duhe ya evaṃ veda ||