પૈપ્પલાદ-સંહિતા · અધ્યાય 16.133

વિરાડ્ વા ઇદમ્ અગ્રે ઽજાયત
તસ્યા જાતાયા અબિભેત્ સર્વમ્ ।
ઇયમ્ એવેદં ભવિષ્યતિ ન વયમ્ ઇતિ ॥

સોદ્ અક્રામત્ સા દક્ષિણાગ્નૌ ન્ય્ અક્રામત્ ।
યજ્ઞર્તો વાસતેયો ભવતિ ય એવં વેદ ॥

(…) સા ગાર્હપત્યે ન્ય્ અક્રામત્ ।
ગૃહમેધી ગૃહપતિર્ ભવતિ (…) ॥

(…) સાહવનીયે ન્ય્ અક્રામત્ ।
યન્ત્ય્ અસ્ય દેવા દેવહૂતિં પ્રિયો દેવાનાં ભવતિ (…) ॥

(…) સા સભાયાં નિ (…) ।
યન્ત્ય્ અસ્ય સભાં સભ્યો ભવતિ (…) ॥

(…) સા સમિતૌ નિ (…) ।
યન્ત્ય્ અસ્ય સમિતિં સામિત્યો ભવતિ (…) ॥

(…) સામન્ત્રણે ન્ય્ અક્રામત્ ।
યન્ત્ય્ અસ્યામન્ત્રણમ્ આમન્ત્રણીયો ભવતિ ય એવં વેદ ॥

(…) સાન્તરિક્ષે ચતુર્ધા વિક્રાન્તાતિષ્ઠત્
તાં દેવમનુષ્યા અબ્રુવન્ન્
ઇયં તદ્ વેદ યદ્ ઉભય ઉપજીવેમ-
-ઇમામ્ ઉપ હ્વયામહા ઇતિ તામ્ ઉપહ્વાયન્ત ।
ઊર્જ એહિ સ્વધ એહિ સૂનૃત એહીરાવત્ય્ એહીતિ ।
તસ્યા અગ્નિર્ વત્સ આસીદ્ ગાયત્ર્ય્ અભિધાન્ય્ અભ્રમ્ ઊધઃ ॥

તસ્યા બૃહચ્ ચ રથન્તરં ચ દ્વૌ સ્તનાવ્ આસ્તાં
યજ્ઞાયજ્ઞિયં ચ વામદેવ્યં ચ દ્વૌ ।
ઓષધીર્ વૈ રથન્તરં
દેવા અદુહ્રન્ વ્યચો બૃહદ્
અપો વામદેવ્યં યજ્ઞં યજ્ઞાયજ્ઞિયમ્ ॥

એતે વૈ વિરાજઃ કામદુઘ સ્તનાઃ ।
કામંકામં વિરાજં દુહે ય એવં વેદ ॥