Paippalāda-Saṃhitā · Chapter 16.126
yat prāśiṣyan purastād atimṛśati |
prāṅ pratigrahītuḥ prāṇaḥ pra krāmati
tata evotthāya pra vrajati
śiras tasya rujatīti dvādaśīn nāti jīvaty
evaṃ cainaṃ prāśnantam upadraṣṭā gṛhṇāti ||
yat prāśiṣyan dakṣiṇataḥ pramṛśati |
dakṣiṇā pratigrahītuḥ (…) ||
yat prāśiṣyann uttarataḥ parimṛśaty
udaṅ pratigrahītuḥ prāṇaḥ pra krāmati
tata evotthāya pra vrajati
śiras tasya rujatīti dvādaśīn nāti jīvaty
evaṃ cainaṃ prāśnantam upadraṣṭā gṛhṇāti ||
yat prāśiṣyan paścāt prāñcam abhimṛśati |
śarmaṇā caivainaṃ tad varmaṇā cābhi mṛśati
śarma caivāsmai varma ca bhavati
jayaty odanam odanaloko bhavati ya evaṃ veda ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0