Paippalāda-Saṃhitā · Chapter 16.125
yat kṣīram upasicya prathamaṃ prāśnāti kilāsaḥ
pratigrahītā bhavati ||
yat sarpir upasicya prathamaṃ prāśnāti sarpaḥ
pratigrahītāraṃ hanti ||
yan madhūpasicya prathamaṃ prāśnāti mahādevaḥ
pratigrahītāraṃ hanti ||
yan māṃsam upasicya prathamaṃ prāśnātīśānaḥ
pratigrahītāraṃ hanti ||
yad udakam upasicya prathamaṃ prāśnāti tat samṛddham |
jyog jīvati sarvam āyur eti na purā jarasaḥ pramīyate ya evaṃ veda ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0