પૈપ્પલાદ-સંહિતા · અધ્યાય 16.126
યત્ પ્રાશિષ્યન્ પુરસ્તાદ્ અતિમૃશતિ ।
પ્રાઙ્ પ્રતિગ્રહીતુઃ પ્રાણઃ પ્ર ક્રામતિ
તત એવોત્થાય પ્ર વ્રજતિ
શિરસ્ તસ્ય રુજતીતિ દ્વાદશીન્ નાતિ જીવત્ય્
એવં ચૈનં પ્રાશ્નન્તમ્ ઉપદ્રષ્ટા ગૃહ્ણાતિ ॥
યત્ પ્રાશિષ્યન્ દક્ષિણતઃ પ્રમૃશતિ ।
દક્ષિણા પ્રતિગ્રહીતુઃ (…) ॥
યત્ પ્રાશિષ્યન્ન્ ઉત્તરતઃ પરિમૃશત્ય્
ઉદઙ્ પ્રતિગ્રહીતુઃ પ્રાણઃ પ્ર ક્રામતિ
તત એવોત્થાય પ્ર વ્રજતિ
શિરસ્ તસ્ય રુજતીતિ દ્વાદશીન્ નાતિ જીવત્ય્
એવં ચૈનં પ્રાશ્નન્તમ્ ઉપદ્રષ્ટા ગૃહ્ણાતિ ॥
યત્ પ્રાશિષ્યન્ પશ્ચાત્ પ્રાઞ્ચમ્ અભિમૃશતિ ।
શર્મણા ચૈવૈનં તદ્ વર્મણા ચાભિ મૃશતિ
શર્મ ચૈવાસ્મૈ વર્મ ચ ભવતિ
જયત્ય્ ઓદનમ્ ઓદનલોકો ભવતિ ય એવં વેદ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0