पैप्पलाद-संहिता · अध्याय 16.126
यत् प्राशिष्यन् पुरस्ताद् अतिमृशति ।
प्राङ् प्रतिग्रहीतुः प्राणः प्र क्रामति
तत एवोत्थाय प्र व्रजति
शिरस् तस्य रुजतीति द्वादशीन् नाति जीवत्य्
एवं चैनं प्राश्नन्तम् उपद्रष्टा गृह्णाति ॥
यत् प्राशिष्यन् दक्षिणतः प्रमृशति ।
दक्षिणा प्रतिग्रहीतुः (…) ॥
यत् प्राशिष्यन्न् उत्तरतः परिमृशत्य्
उदङ् प्रतिग्रहीतुः प्राणः प्र क्रामति
तत एवोत्थाय प्र व्रजति
शिरस् तस्य रुजतीति द्वादशीन् नाति जीवत्य्
एवं चैनं प्राश्नन्तम् उपद्रष्टा गृह्णाति ॥
यत् प्राशिष्यन् पश्चात् प्राञ्चम् अभिमृशति ।
शर्मणा चैवैनं तद् वर्मणा चाभि मृशति
शर्म चैवास्मै वर्म च भवति
जयत्य् ओदनम् ओदनलोको भवति य एवं वेद ॥
मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0