પૈપ્પલાદ-સંહિતા · અધ્યાય 16.106

મા નો અશ્વેષુ ગોષુ પુરુષેષુ
મા ગૃધો નો અજાવિષુ ।
અન્યત્રોગ્ર વિ વર્તય
પિયારૂણાં પ્રજાં જહિ ॥

યસ્ય તક્મા કાસિકા હેતિર્ એકા-
-અશ્વસ્યેવ વૃષણઃ ક્રન્દ એતિ ।
અભિપૂર્વં નિર્ણયતે
નમો અસ્ત્વ્ અસ્મૈ ॥

યસ્ તિષ્ઠતિ વિષ્ટભિતો અન્તરિક્ષે
ઽયજ્વનઃ પ્રમૃણન્ દેવપીયૂન્ ।
તસ્મૈ નમો દશભિઃ શક્વરીભિઃ ॥

તુભ્યમ્ આરણ્યાઃ પશવો
મૃગા વને હિતાસ્ તુભ્યં
વયાંસિ શકુનાઃ પતત્રિણઃ ।
તવ યક્ષ્મં પશુપતે અપ્સ્વ્ અન્તસ્
તુભ્યં ક્ષરન્તિ દિવ્યા આપો વૃધે ॥

શિંશુમારા અજગરાઃ
પુલીકયા જષા મત્સ્યા
રજસા યેભ્યો અસ્યસિ ।
ન તે દૂરં ન પરિષ્ઠ-
-અસ્તિ તે ભવ સદ્યઃ
સર્વાં પરિ પશ્યસિ ભૂમિમ્ ॥

પૂર્વસ્માદ્ ધંસ્ય્ ઉત્તરસ્મિન્ સમુદ્રે
મા નો રુદ્ર તક્મના ન વિષેણ ।
મા નઃ સં સ્રા દિવ્યેનાગ્નિના-
-અન્યત્રાસ્મદ્ વિદ્યુતાં પાતયૈતામ્ ॥

ભવો દિવો ભવ ઈશે પૃથિવ્યા
ભવ આ પપ્ર ઉર્વ્ અન્તરિક્ષમ્ ।
તસ્ય ન પ્રાપદ્ દુચ્છુના કા ચનેહ ॥

ભવ રાજન્ યજમાનાય મૃડ
પશૂનાં હિ પશુપતિર્ બભૂથ ।
યઃ શ્રદ્દધાતિ સન્તિ દેવા ઇતિ
ચતુષ્પદે દ્વિપદે અસ્ય મૃડ ॥

મા નો મહાન્તમ્ ઉત મા નો અર્ભકં
મા નઃ ક્ષિયન્તમ્ ઉત મા નો અક્ષિતઃ ।
મા નો હિંસીઃ પિતરં મોત માતરં
સ્વાં તન્વં રુદ્ર મા રીરિષો નઃ ॥

રુદ્રસ્યૈલબકારેભ્યો
ઽસંસૂક્તગિરેભ્યઃ ।
ઇદં મહાસ્યેભ્યઃ શ્વભ્યો અકરં નમઃ ॥

નમસ્ તે ઘોષિણીભ્યો
નમસ્ તે કેશિનીભ્યઃ ।
નમઃ સંયતીભ્યો
નમો નમસ્વતીભ્યઃ ॥