Paippalāda-Saṃhitā · Chapter 16.103

śataṃ sahasram ayutaṃ nyarbudam
asaṃkhyeyaṃ svam asmin niviṣṭam |
tad asya ghnanty abhipaśyata eva
tasmād devo rocate sa etat ||

ārāgramātraṃ dadṛśa
utaikaṃ naiva dṛśyate |
tataḥ pariṣvajīyasī
devatā sā mama priyā ||

iyaṃ kalyāṇy ajarā
martyasyāmṛtā gṛhe |
yasmai kṛtā śaye sa
yaś cakāra tadāra saḥ ||

tvaṃ strī tvaṃ pumān asi
tvaṃ kumāry uta vā kumāraḥ |
tvaṃ jīrṇo daṇḍena vañcasi
tvaṃ jāto bhavasi viśvatomukhaḥ ||

utaiṣa jyeṣṭha uta vā kaniṣṭha
utaiṣa bhrātota vā pitaiṣaḥ |
eko devo manasi praviṣṭaḥ
prathamo jātaḥ sa u garbhe antaḥ ||

anejaty ejati sarvam asmin
viśvā bhūtāni paryābhṛtasya |
sa pumān puṃso janayann ṛtena
sarvān antān gacchatu tiṣṭhann eva ||

madhye divo nihitaḥ pṛśniraśmā
vi cakramāṇau rajasasphātyantau |
sa viśvābhir abhi caṣṭe śacībhir
antarā pūrvam aparaṃ ca ketum ||

ye arvāg uta vā purāṇe
vedaṃ vidvāṃsam abhito vadanti |
ādityam eva te pari vadanti sarve
agniṃ dvitīyaṃ trivṛtaṃ ca haṃsam ||

ekām ṛcaṃ sam indhate
dvādaśabhir agnibhiḥ |
tasyām āpas tasyāṃ gāvas
tasyām oṣadhayaḥ śritāḥ ||

sapta suparṇā upa dhamanta bāṇam
anuṣṭubhā saṃbhṛtaṃ vāyum etam |
tam ātataṃ vitataṃ tantum ātataṃ
manaḥ punātu salilasya pṛṣṭhe ||

sapta ṛṣayaḥ pratihitāḥ śarīre
sapta rakṣanti sadam apramādam |
saptāpaḥ svapato lokam īyus
tatra jāgṛto asvapnajau satrasadau ca devau ||