Paippalāda-Saṃhitā · Chapter 16.102

ūnāt pūrṇam ud acati
pūrṇād ūnam ud acyate |
kaviṣ ṭad brahmā veda
yatas tat pariṣicyate ||

prajāpatiś carati garbhe antar
adṛśyamāno bahudhā pra jāyate |
ardhena viśvaṃ bhuvanaṃ jajāna
yad asyārdhaṃ kim u taj jajāna ||

yad ejati carati yac ca tiṣṭhaty
aprāṇat prāṇan nimiṣac ca tiṣṭhat |
tad dādhāra pṛthivīṃ viśvarūpaṃ
tat saṃbhūya bhavaty ekam eva ||

yā purastād yujyate yota paścād
yā viśvato yujyate yota sarvataḥ |
yayā yajñas tāyate prāṅ
tāṃ tvā pṛcchāmi katamā nu sarcām ||

yataḥ sūrya udety
astaṃ yatra ca gacchati |
tad eva manye 'haṃ jyeṣṭhaṃ
tato nāpy eti kiṃ cana ||

satyenordhvas tapati brahmaṇā-
-arvāṅ vi paśyati |
prāṇena tiryaṅ prāṇati
yasmin jyeṣṭham adhi śritam ||

yo vai te vidyād araṇī
yābhyāṃ nirmathyate vasu |
sa vidvān jyeṣṭhaṃ manyeta
sa vidyād brāhmaṇaṃ mahat ||

apād agre sam abhavat
so agre svar ābharat |
catuṣpād bhūtvā bhogyaḥ
sarvam ādatta bhojanam ||

bhogyo bhavad
atho annam adad bahu |
yo devam uttarāvantam
upāsātai sanātanam ||

sanātanam enam āhur
utādyāsat punar navaḥ |
ahorātre pra jāyete
anyo anyasya rūpayoḥ ||