પૈપ્પલાદ-સંહિતા · અધ્યાય 16.103

શતં સહસ્રમ્ અયુતં ન્યર્બુદમ્
અસંખ્યેયં સ્વમ્ અસ્મિન્ નિવિષ્ટમ્ ।
તદ્ અસ્ય ઘ્નન્ત્ય્ અભિપશ્યત એવ
તસ્માદ્ દેવો રોચતે સ એતત્ ॥

આરાગ્રમાત્રં દદૃશ
ઉતૈકં નૈવ દૃશ્યતે ।
તતઃ પરિષ્વજીયસી
દેવતા સા મમ પ્રિયા ॥

ઇયં કલ્યાણ્ય્ અજરા
મર્ત્યસ્યામૃતા ગૃહે ।
યસ્મૈ કૃતા શયે સ
યશ્ ચકાર તદાર સઃ ॥

ત્વં સ્ત્રી ત્વં પુમાન્ અસિ
ત્વં કુમાર્ય્ ઉત વા કુમારઃ ।
ત્વં જીર્ણો દણ્ડેન વઞ્ચસિ
ત્વં જાતો ભવસિ વિશ્વતોમુખઃ ॥

ઉતૈષ જ્યેષ્ઠ ઉત વા કનિષ્ઠ
ઉતૈષ ભ્રાતોત વા પિતૈષઃ ।
એકો દેવો મનસિ પ્રવિષ્ટઃ
પ્રથમો જાતઃ સ ઉ ગર્ભે અન્તઃ ॥

અનેજત્ય્ એજતિ સર્વમ્ અસ્મિન્
વિશ્વા ભૂતાનિ પર્યાભૃતસ્ય ।
સ પુમાન્ પુંસો જનયન્ન્ ઋતેન
સર્વાન્ અન્તાન્ ગચ્છતુ તિષ્ઠન્ન્ એવ ॥

મધ્યે દિવો નિહિતઃ પૃશ્નિરશ્મા
વિ ચક્રમાણૌ રજસસ્ફાત્યન્તૌ ।
સ વિશ્વાભિર્ અભિ ચષ્ટે શચીભિર્
અન્તરા પૂર્વમ્ અપરં ચ કેતુમ્ ॥

યે અર્વાગ્ ઉત વા પુરાણે
વેદં વિદ્વાંસમ્ અભિતો વદન્તિ ।
આદિત્યમ્ એવ તે પરિ વદન્તિ સર્વે
અગ્નિં દ્વિતીયં ત્રિવૃતં ચ હંસમ્ ॥

એકામ્ ઋચં સમ્ ઇન્ધતે
દ્વાદશભિર્ અગ્નિભિઃ ।
તસ્યામ્ આપસ્ તસ્યાં ગાવસ્
તસ્યામ્ ઓષધયઃ શ્રિતાઃ ॥

સપ્ત સુપર્ણા ઉપ ધમન્ત બાણમ્
અનુષ્ટુભા સંભૃતં વાયુમ્ એતમ્ ।
તમ્ આતતં વિતતં તન્તુમ્ આતતં
મનઃ પુનાતુ સલિલસ્ય પૃષ્ઠે ॥

સપ્ત ઋષયઃ પ્રતિહિતાઃ શરીરે
સપ્ત રક્ષન્તિ સદમ્ અપ્રમાદમ્ ।
સપ્તાપઃ સ્વપતો લોકમ્ ઈયુસ્
તત્ર જાગૃતો અસ્વપ્નજૌ સત્રસદૌ ચ દેવૌ ॥