પૈપ્પલાદ-સંહિતા · અધ્યાય 16.102

ઊનાત્ પૂર્ણમ્ ઉદ્ અચતિ
પૂર્ણાદ્ ઊનમ્ ઉદ્ અચ્યતે ।
કવિષ્ ટદ્ બ્રહ્મા વેદ
યતસ્ તત્ પરિષિચ્યતે ॥

પ્રજાપતિશ્ ચરતિ ગર્ભે અન્તર્
અદૃશ્યમાનો બહુધા પ્ર જાયતે ।
અર્ધેન વિશ્વં ભુવનં જજાન
યદ્ અસ્યાર્ધં કિમ્ ઉ તજ્ જજાન ॥

યદ્ એજતિ ચરતિ યચ્ ચ તિષ્ઠત્ય્
અપ્રાણત્ પ્રાણન્ નિમિષચ્ ચ તિષ્ઠત્ ।
તદ્ દાધાર પૃથિવીં વિશ્વરૂપં
તત્ સંભૂય ભવત્ય્ એકમ્ એવ ॥

યા પુરસ્તાદ્ યુજ્યતે યોત પશ્ચાદ્
યા વિશ્વતો યુજ્યતે યોત સર્વતઃ ।
યયા યજ્ઞસ્ તાયતે પ્રાઙ્
તાં ત્વા પૃચ્છામિ કતમા નુ સર્ચામ્ ॥

યતઃ સૂર્ય ઉદેત્ય્
અસ્તં યત્ર ચ ગચ્છતિ ।
તદ્ એવ મન્યે ઽહં જ્યેષ્ઠં
તતો નાપ્ય્ એતિ કિં ચન ॥

સત્યેનોર્ધ્વસ્ તપતિ બ્રહ્મણા-
-અર્વાઙ્ વિ પશ્યતિ ।
પ્રાણેન તિર્યઙ્ પ્રાણતિ
યસ્મિન્ જ્યેષ્ઠમ્ અધિ શ્રિતમ્ ॥

યો વૈ તે વિદ્યાદ્ અરણી
યાભ્યાં નિર્મથ્યતે વસુ ।
સ વિદ્વાન્ જ્યેષ્ઠં મન્યેત
સ વિદ્યાદ્ બ્રાહ્મણં મહત્ ॥

અપાદ્ અગ્રે સમ્ અભવત્
સો અગ્રે સ્વર્ આભરત્ ।
ચતુષ્પાદ્ ભૂત્વા ભોગ્યઃ
સર્વમ્ આદત્ત ભોજનમ્ ॥

ભોગ્યો ભવદ્
અથો અન્નમ્ અદદ્ બહુ ।
યો દેવમ્ ઉત્તરાવન્તમ્
ઉપાસાતૈ સનાતનમ્ ॥

સનાતનમ્ એનમ્ આહુર્
ઉતાદ્યાસત્ પુનર્ નવઃ ।
અહોરાત્રે પ્ર જાયેતે
અન્યો અન્યસ્ય રૂપયોઃ ॥