Paippalāda-Saṃhitā · Chapter 15.14

yajñaṃ brūmo yajamānam
ṛcaḥ sāmāni bheṣajā |
yajūṃṣi hotrān brūmas
te no muñcantv aṃhasaḥ ||

ṛtūn brūma ṛtupatīn
ārtavām̐ uta hāyanān |
samāḥ saṃvatsarān māsas
te no (…) ||

divaṃ brūmo nakṣatrāṇi
bhūmiṃ yakṣāṇi parvatān |
samudrā nadyo veśantās
te (…) ||

sapta ṛṣīn vā idaṃ brūmo
'po devīḥ prajāpatim |
pitṝn yamaśreṣṭhān brūmas
te (…) ||

viśvān devān idaṃ brūmaḥ
satyasandhān ṛtāvṛdhaḥ |
viśvābhiḥ patnībhiḥ sākaṃ
te (…) ||

ādityā rudrā vasavo
devā daivā atharvaṇaḥ |
aṅgiraso manīṣiṇas
te (…) ||

ye devā diviṣado
'ntarikṣasadaś ca ye |
pṛthivyāṃ śakrā ye śritās
te (…) ||

eta devā dakṣiṇataḥ
paśvāt prāñca ud etana
purastāc chakrā uttarād
viśve devāḥ sametya
te (…) ||

arāyān brūmo rakṣāṃsi
sarpān puṇyajanān uta |
mṛtyūn ekaśataṃ brūmas
te no muñcantv aṃhasaḥ ||

yā devīḥ pañca pradiśo
ye devā dvādaśartavaḥ |
saṃvatsarasya ye daṃṣṭrās
te naḥ santu sadā śivāḥ ||

bhūtaṃ brūmo bhūtapatiṃ
bhūtānām uta yas patiḥ |
bhūtāni sarvā brūmas
te no muñcantv aṃhasaḥ ||