પૈપ્પલાદ-સંહિતા · અધ્યાય 15.14

યજ્ઞં બ્રૂમો યજમાનમ્
ઋચઃ સામાનિ ભેષજા ।
યજૂંષિ હોત્રાન્ બ્રૂમસ્
તે નો મુઞ્ચન્ત્વ્ અંહસઃ ॥

ઋતૂન્ બ્રૂમ ઋતુપતીન્
આર્તવાઁ ઉત હાયનાન્ ।
સમાઃ સંવત્સરાન્ માસસ્
તે નો (…) ॥

દિવં બ્રૂમો નક્ષત્રાણિ
ભૂમિં યક્ષાણિ પર્વતાન્ ।
સમુદ્રા નદ્યો વેશન્તાસ્
તે (…) ॥

સપ્ત ઋષીન્ વા ઇદં બ્રૂમો
ઽપો દેવીઃ પ્રજાપતિમ્ ।
પિતૄન્ યમશ્રેષ્ઠાન્ બ્રૂમસ્
તે (…) ॥

વિશ્વાન્ દેવાન્ ઇદં બ્રૂમઃ
સત્યસન્ધાન્ ઋતાવૃધઃ ।
વિશ્વાભિઃ પત્નીભિઃ સાકં
તે (…) ॥

આદિત્યા રુદ્રા વસવો
દેવા દૈવા અથર્વણઃ ।
અઙ્ગિરસો મનીષિણસ્
તે (…) ॥

યે દેવા દિવિષદો
ઽન્તરિક્ષસદશ્ ચ યે ।
પૃથિવ્યાં શક્રા યે શ્રિતાસ્
તે (…) ॥

એત દેવા દક્ષિણતઃ
પશ્વાત્ પ્રાઞ્ચ ઉદ્ એતન
પુરસ્તાચ્ છક્રા ઉત્તરાદ્
વિશ્વે દેવાઃ સમેત્ય
તે (…) ॥

અરાયાન્ બ્રૂમો રક્ષાંસિ
સર્પાન્ પુણ્યજનાન્ ઉત ।
મૃત્યૂન્ એકશતં બ્રૂમસ્
તે નો મુઞ્ચન્ત્વ્ અંહસઃ ॥

યા દેવીઃ પઞ્ચ પ્રદિશો
યે દેવા દ્વાદશર્તવઃ ।
સંવત્સરસ્ય યે દંષ્ટ્રાસ્
તે નઃ સન્તુ સદા શિવાઃ ॥

ભૂતં બ્રૂમો ભૂતપતિં
ભૂતાનામ્ ઉત યસ્ પતિઃ ।
ભૂતાનિ સર્વા બ્રૂમસ્
તે નો મુઞ્ચન્ત્વ્ અંહસઃ ॥