Paippalāda-Saṃhitā · Chapter 15.13
agniṃ brūmo vanaspatīn
oṣadhīr uta vīrudhaḥ |
indraṃ bṛhaspatiṃ sūryaṃ
te no muñcantv aṃhasaḥ ||
brūmo devaṃ savitāraṃ
dhātāram uta pūṣaṇam |
tvaṣṭāram agryaṃ brūmas
te (…) ||
brūmo rājānaṃ varuṇaṃ
mitraṃ viṣṇum atho bhagam |
aṃśaṃ vivasvantaṃ brūmas
te (…) ||
gandharvāpsaraso brūmo
aśvinā brahmaṇaspatim |
aryamā nāma yo devas
te (…) ||
vātaṃ brūmaḥ parjanyam
antarikṣam atho diśaḥ |
āśāś ca sarvā brūmas
te (…) ||
ahorātre idaṃ brūma
sūryācandramasā ubhā |
ādityān sarvān brūmas
te no muñcantv aṃhasaḥ ||
muñcantu mā śapathyād
ahorātre atho uṣāḥ |
somo mā divyo muñcatu
yam āhuś candramā iti ||
pañca rājyāni vīrudhāṃ
somaśreṣṭhāni brūmasi |
bhaṅgo darbho yavaḥ sahas
te no muñcantv aṃhasaḥ ||
ye grāmyāḥ sapta paśava
āraṇyā uta ye mṛgāḥ |
śakuntān pakṣiṇo brūmas
te no muñcantv aṃhasaḥ ||
bhavāśarvāv idaṃ brūma
ugraḥ paśupatiś ca yaḥ |
iṣūr yā eṣāṃ vidmas
te no muñcantv aṃhasaḥ ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0