Scripture Library

Paippalāda-Saṃhitā · Chapter 13.6

13.6.1

adha svanād uta bibhyuḥ patatriṇo
drapsā yat te yavasādo vy asthiran |
sugaṃ tat te tāvakebhyo rathebhyo
'gne (…) ||

13.6.2

tvaṃ mitrasya varuṇasya dhāsy
avayātāṃ marutāṃ heḍo adbhutaḥ |
mṛḍā su no bhūtv eṣāṃ manaḥ punar
agne (…) ||

13.6.3

devo devānām asi mitro adbhuto
vasur vasūnām asi cārur adhvare |
śarmant syāma tava saprathastame
'gne (…) ||

13.6.4

tat te bhadraṃ yat samiddhaḥ sve dame
somāhuto jarase mṛḍayattamaḥ |
dadhāsi ratnaṃ draviṇaṃ ca dāśuṣe
'gne sakhye mā riṣāmā vayaṃ tava ||

13.6.5

yasmai tvaṃ sudraviṇo dadāśo
'nāgās tvam adite sarvatātā |
yaṃ bhadreṇa śavasā codayāsi
prajāvanto rādhasā te syāma ||

13.6.6

sa tvam agne saubhagatvasya vidvān
asmākam āyuḥ pra tireha deva |
tan no mitro varuṇo māmahantām
aditiḥ sindhuḥ pṛthivī uta dyauḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0