પૈપ્પલાદ-સંહિતા · અધ્યાય 13.6

અધ સ્વનાદ્ ઉત બિભ્યુઃ પતત્રિણો
દ્રપ્સા યત્ તે યવસાદો વ્ય્ અસ્થિરન્ ।
સુગં તત્ તે તાવકેભ્યો રથેભ્યો
ઽગ્ને (…) ॥

ત્વં મિત્રસ્ય વરુણસ્ય ધાસ્ય્
અવયાતાં મરુતાં હેડો અદ્ભુતઃ ।
મૃડા સુ નો ભૂત્વ્ એષાં મનઃ પુનર્
અગ્ને (…) ॥

દેવો દેવાનામ્ અસિ મિત્રો અદ્ભુતો
વસુર્ વસૂનામ્ અસિ ચારુર્ અધ્વરે ।
શર્મન્ત્ સ્યામ તવ સપ્રથસ્તમે
ઽગ્ને (…) ॥

તત્ તે ભદ્રં યત્ સમિદ્ધઃ સ્વે દમે
સોમાહુતો જરસે મૃડયત્તમઃ ।
દધાસિ રત્નં દ્રવિણં ચ દાશુષે
ઽગ્ને સખ્યે મા રિષામા વયં તવ ॥

યસ્મૈ ત્વં સુદ્રવિણો દદાશો
ઽનાગાસ્ ત્વમ્ અદિતે સર્વતાતા ।
યં ભદ્રેણ શવસા ચોદયાસિ
પ્રજાવન્તો રાધસા તે સ્યામ ॥

સ ત્વમ્ અગ્ને સૌભગત્વસ્ય વિદ્વાન્
અસ્માકમ્ આયુઃ પ્ર તિરેહ દેવ ।
તન્ નો મિત્રો વરુણો મામહન્તામ્
અદિતિઃ સિન્ધુઃ પૃથિવી ઉત દ્યૌઃ ॥