Scripture Library

Paippalāda-Saṃhitā · Chapter 12.7

12.7.1

tvayā pūrvam ātharvāṇo
jaghnū rakṣāṃsy oṣadhe |
tvayā jaghāna kaśyapas
tvayā kṛṇvo agastyaḥ ||

12.7.2

tvayā vayam apsaraso
gandharvāṃś cātayāmasi |
ajaśṛṅgy aja rakṣaḥ
sarvān gandhena nāśaya ||

12.7.3

nadīṃ yantv apsaraso
apāntāram iva śvasan |
gulgulū pīlā nalady
aukṣagandhiḥ pramandinī ||

12.7.4

yatrāmartyā apsv antaḥ
samudre turūr nīlī turvaśī puṇḍarīkā |
tat paretā apsarasaḥ
pratibuddhā abhūtana ||

12.7.5

yatra preṅkho gandharvāṇāṃ
divi baddho hiraṇyayaḥ |
(…) ||

12.7.6

gandharvāṇām apsarasām
ānartam iti saṅgamam |
(…) ||

12.7.7

yatrāśvatthā nyagrodhā
mahārukmāḥ śikhaṇḍinaḥ |
(…) ||

12.7.8

yatra vo 'kṣā haritā arjunā
āghāṭāḥ kakaryaḥ saṃvadanti |
tat paretā apsarasaḥ
pratibuddhā abhūtana ||

12.7.9

iyaṃ vīrucchikhaṇḍino
gandharvasyāpsarāpateḥ |
bhinattu muṣkāv api yātu śephaḥ ||

12.7.10

eyam agann oṣadhir
vīrudhāṃ vīryāvatī |
ajaśṛṅgy arāṭakī
tīkṣṇaśṛṅgī vy ṛṣatu ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0