Paippalāda-Saṃhitā · Chapter 12.8
apeteto apsaraso
gandharvā yatra vo gṛhāḥ |
tīkṣṇaśṛṅgy arāṭaky
ajaśṛṅgī vy ṛṣatu ||
jāyā veda vo apsaraso
gandharvāḥ patayo yūyam |
apa krāmat puruṣād
amartyā martyaṃ mā sacadhvam ||
bhīmā indrasya hetayaḥ
śatamṛṣṭīr ayasmai |
tābhir gandharvān abhaidyān
avakādān vy ṛṣatu ||
avakādām̐ abhiśoco
bhitsu dyotayamāmakān |
gandharvān sarvān oṣadhe
pra ṇudasva parā ṇaya ||
unmādayantīr abhiśocayantīr
muniṃ nagnaṃ kṛṇvatīr moghahāsinam |
apsaraso raghaṭo yāś caranti
gandharvapatnīr ajaśṛṅgy āśaye ||
śvetīkṛṇvānaḥ puruṣaṃ
viśvā rūpāṇi bobhuvat |
śvevaikaṃ kapir ivaikaṃ
kumāraḥ sarvakeśakaḥ |
priyo dṛśe bhūtvā
gandharvaḥ sacate striyaṃ
tam ito nāśayāmasi ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0