પૈપ્પલાદ-સંહિતા · અધ્યાય 12.7

ત્વયા પૂર્વમ્ આથર્વાણો
જઘ્નૂ રક્ષાંસ્ય્ ઓષધે ।
ત્વયા જઘાન કશ્યપસ્
ત્વયા કૃણ્વો અગસ્ત્યઃ ॥

ત્વયા વયમ્ અપ્સરસો
ગન્ધર્વાંશ્ ચાતયામસિ ।
અજશૃઙ્ગ્ય્ અજ રક્ષઃ
સર્વાન્ ગન્ધેન નાશય ॥

નદીં યન્ત્વ્ અપ્સરસો
અપાન્તારમ્ ઇવ શ્વસન્ ।
ગુલ્ગુલૂ પીલા નલદ્ય્
ઔક્ષગન્ધિઃ પ્રમન્દિની ॥

યત્રામર્ત્યા અપ્સ્વ્ અન્તઃ
સમુદ્રે તુરૂર્ નીલી તુર્વશી પુણ્ડરીકા ।
તત્ પરેતા અપ્સરસઃ
પ્રતિબુદ્ધા અભૂતન ॥

યત્ર પ્રેઙ્ખો ગન્ધર્વાણાં
દિવિ બદ્ધો હિરણ્યયઃ ।
(…) ॥

ગન્ધર્વાણામ્ અપ્સરસામ્
આનર્તમ્ ઇતિ સઙ્ગમમ્ ।
(…) ॥

યત્રાશ્વત્થા ન્યગ્રોધા
મહારુક્માઃ શિખણ્ડિનઃ ।
(…) ॥

યત્ર વો ઽક્ષા હરિતા અર્જુના
આઘાટાઃ કકર્યઃ સંવદન્તિ ।
તત્ પરેતા અપ્સરસઃ
પ્રતિબુદ્ધા અભૂતન ॥

ઇયં વીરુચ્છિખણ્ડિનો
ગન્ધર્વસ્યાપ્સરાપતેઃ ।
ભિનત્તુ મુષ્કાવ્ અપિ યાતુ શેફઃ ॥

એયમ્ અગન્ન્ ઓષધિર્
વીરુધાં વીર્યાવતી ।
અજશૃઙ્ગ્ય્ અરાટકી
તીક્ષ્ણશૃઙ્ગી વ્ય્ ઋષતુ ॥