Scripture Library

Paippalāda-Saṃhitā · Chapter 12.4

12.4.1

savitaḥ śreṣṭhena rūpeṇa
(…) ||

12.4.2

viṣṇoḥ śreṣṭhena (…) ||

12.4.3

tvaṣṭaḥ śreṣṭhena (…) ||

12.4.4

bhagaḥ śreṣṭhena rūpeṇa-
-asyā nāryā gavīnyoḥ |
pumāṃsaṃ putram ā dhehi
daśame māsi sūtave ||

12.4.5

adhi skanda vīrayasva
garbham ā dhehi yonyām |
vṛṣāṇaṃ vṛṣṇyāvantaṃ
prajāyai tvā nayāmasi ||

12.4.6

yad veda rājā varuṇo
veda devo bṛhaspatiḥ |
indro yad vṛtrahā veda
taṃ garbhakaraṇaṃ piba ||

12.4.7

vi jihīṣva bārhatsāme
garbhas te yonim ā śayām |
dadan te putraṃ devāḥ
somapām ubhayāvinam ||

12.4.8

somasya tva rtviyena-
-upaimi garbhakṛtvane |
tatas te putro jāyatāṃ
kartavai vīryebhyaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0