Paippalāda-Saṃhitā · Chapter 12.15
yaḥ śambaraṃ parvateṣu kṣiyantaṃ
catvāriṃśyāṃ śarady anvavindat |
ojāyamānaṃ yo ahiṃ jaghāna
dānuṃ śayānaṃ sa (…) ||
yaḥ śambaraṃ paryacarac chaśībir
yo vā vṛkasya nāpibat sutam |
antar girau yajamānaṃ bahuṃ janaṃ
yas taṃ nāsūrukṣu sa (…) ||
yaḥ saptaraśmir vṛṣabhas tuviṣmān
avāsṛjat sartave sapta sindhūn |
yo rauhiṇam asphurad vajrabāhur
dyām ārohantaṃ sa (…) ||
dyāvā cid asmai pṛthivī namete
śuṣmāc cid asya parvatā bhayante |
yaḥ somapā nicito vajrabāhur
yo vajrahastaḥ sa (…) ||
yaḥ sunvantam avati yaḥ pacantaṃ
yaḥ śaṃsantaṃ yaḥ śaśamānam ūtī |
yasya brahma vardhanaṃ yasya somo
yasyedaṃ rādhaḥ sa janāsa indraḥ ||
yaḥ sunvate pacate dudhra ā cid
vājaṃ dadarṣi sa kilāsi satyaḥ |
vayaṃ ta indra viśvaha priyāsaḥ
suvīrāso vidatham ā vadema ||
jāto vyakhyat pitror upasthe bhuvo
na veda janituḥ parasya |
taviṣyamāṇo nv ojo akhyad vratā
devānāṃ sa janāsa indraḥ ||
yaḥ somakāmo haryaśva āsu
yasmād rejante bhuvanāni viśvā |
yo jaghāna śambaraṃ yaś ca śuṣṇaṃ
ya ekavīraḥ sa janāsa indraḥ ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0