પૈપ્પલાદ-સંહિતા · અધ્યાય 12.15

યઃ શમ્બરં પર્વતેષુ ક્ષિયન્તં
ચત્વારિંશ્યાં શરદ્ય્ અન્વવિન્દત્ ।
ઓજાયમાનં યો અહિં જઘાન
દાનું શયાનં સ (…) ॥

યઃ શમ્બરં પર્યચરચ્ છશીબિર્
યો વા વૃકસ્ય નાપિબત્ સુતમ્ ।
અન્તર્ ગિરૌ યજમાનં બહું જનં
યસ્ તં નાસૂરુક્ષુ સ (…) ॥

યઃ સપ્તરશ્મિર્ વૃષભસ્ તુવિષ્માન્
અવાસૃજત્ સર્તવે સપ્ત સિન્ધૂન્ ।
યો રૌહિણમ્ અસ્ફુરદ્ વજ્રબાહુર્
દ્યામ્ આરોહન્તં સ (…) ॥

દ્યાવા ચિદ્ અસ્મૈ પૃથિવી નમેતે
શુષ્માચ્ ચિદ્ અસ્ય પર્વતા ભયન્તે ।
યઃ સોમપા નિચિતો વજ્રબાહુર્
યો વજ્રહસ્તઃ સ (…) ॥

યઃ સુન્વન્તમ્ અવતિ યઃ પચન્તં
યઃ શંસન્તં યઃ શશમાનમ્ ઊતી ।
યસ્ય બ્રહ્મ વર્ધનં યસ્ય સોમો
યસ્યેદં રાધઃ સ જનાસ ઇન્દ્રઃ ॥

યઃ સુન્વતે પચતે દુધ્ર આ ચિદ્
વાજં દદર્ષિ સ કિલાસિ સત્યઃ ।
વયં ત ઇન્દ્ર વિશ્વહ પ્રિયાસઃ
સુવીરાસો વિદથમ્ આ વદેમ ॥

જાતો વ્યખ્યત્ પિત્રોર્ ઉપસ્થે ભુવો
ન વેદ જનિતુઃ પરસ્ય ।
તવિષ્યમાણો ન્વ્ ઓજો અખ્યદ્ વ્રતા
દેવાનાં સ જનાસ ઇન્દ્રઃ ॥

યઃ સોમકામો હર્યશ્વ આસુ
યસ્માદ્ રેજન્તે ભુવનાનિ વિશ્વા ।
યો જઘાન શમ્બરં યશ્ ચ શુષ્ણં
ય એકવીરઃ સ જનાસ ઇન્દ્રઃ ॥