Paippalāda-Saṃhitā · Chapter 10.4

idaṃ rāṣṭraṃ prathatāṃ gobhir aśvair
idaṃ rāṣṭram annenerayā rasena |
asmai ṣaḍ urvīr upa saṃ namantu
saptahotrā hata śatrūn sacittāḥ ||

ime rājāna iṣubhir ghnantu śatrūn
ime rājānaḥ samityānyān vadheyuḥ |
ime rājānaḥ pṛtanāḥ sahantām
ahaṃ brahmā vi mṛdho hanmi sarvāḥ ||

idaṃ rāṣṭraṃ kratumad vīravaj jiṣṇūgram
idaṃ rāṣṭraṃ gardnumac citraghoṣam |
asmai rāṣṭrāya balim anye harantv
ahaṃ devebhyo haviṣā vidheyam ||

yadi yuddhaṃ yady ṛtitaṃ vo asti
devainasād yadi vā pitryeṇa |
yenarttīyā dhenavo astu tasmā
ahaṃ devebhyo haviṣā juhomi ||

yad vaḥ krūraṃ manaso yac ca vāco
devainasād yadi vā pitryeṇa |
āpa iva duḥṣvapnyam apa tat svapadhvam
athānandinaḥ sumanasaḥ sam eta ||

apām iva vegaḥ pra śṛṇīta śatrūn
diśodiśo rabhamāṇaḥ sam eta |
ekavratā vi dhanaṃ bhajadhvaṃ
purohitena vo rāṣṭraṃ prathayantu devāḥ ||

samyag vo rāṣṭraṃ saha vo manāṃsi
samīcīnāḥ paśavo viśvarūpāḥ |
samīcīnānāṃ vo aham asmi brahmā
samyañco devā havam ā yantu ma imam ||

yathāpaḥ samudrāya
samīcīr vahatha śriyam |
evā rāṣṭrāya me devāḥ
samyañco vahata śriyam ||

saṃsṛṣṭaṃ vo rāṣṭraṃ paśubhir gobhir aśvaiḥ
saṃsṛṣṭam annenerayā rasena |
mayā brahmaṇā prathamānāśvo
vasīyāṃsaḥ sadam ugrā bhavātha ||

bahur yuvā pramṛṇo dhṛṣṇur astu
bahuḥ kumāraḥ pratirūpaḥ pitṝṇām |
satyaṃ vadantaḥ samitiṃ caranto
mitraṃ gṛhṇānā jaraso yantu sakhyam ||

iha kṣatraṃ dyumnam uta rāṣṭraṃ samaitv
ihendriyaṃ paśubhiḥ saṃvidānam |
avadhunvānā apriyān yāṃś ca dviṣma
idaṃ rāṣṭraṃ prathatāṃ sarvadaiva ||

idaṃ rāṣṭram iṣumad vīravaj jiṣṇūgram
idaṃ rāṣṭraṃ paśumad brahmavṛddham |
idaṃ rāṣṭraṃ hataśatru jiṣṇu ||

sapatnasāhaṃ pramṛṇam
idaṃ rāṣṭraṃ dṛḍham ugram |
sāḍhāmitram abhimātiṣāhaṃ
sarvā jigāya pṛtanā abhiṣṭi ||