Scripture Library

Paippalāda-Saṃhitā · Chapter 10.3

10.3.1

aśva iva ratham ā datsva
siṃha iva puruṣaṃ hara |
hastīva naḍvalān bhaṅdhi
bhrātṛvyāṇāṃ śriyaṃ vṛha ||

10.3.2

ut te kṛṇotu kaśyapo
brahma devair abhiṣṭutam |
āprītam avirādhukam ||

10.3.3

etaṃ khadiram ā hara-
-atho tejanam ā hara |
utaitaṃ parṇam ā hara-
-ā harānaḍuho balam ||

10.3.4

idhmān devaiḥ samābhṛtāṃs
tāṃs te prādād bṛhaspatiḥ |
tān ā dhehi samāhite
'gnau sūryābhicakṣaṇe ||

10.3.5

tebhiṣ ṭvam uttaro bhava
bhrātṛvyāṇāṃ śriyaṃ vṛha |
atho eṣāṃ payo hara ||

10.3.6

ādityā rudrā vasava
ṛṣayo bhūtakṛtaś ca ye |
śriyaṃ ca kṣatram ojaś ca
tubhyaṃ devā asāviṣuḥ ||

10.3.7

vasur asīndranāmā-
-āyuṣmāñ chataśāradaḥ |
sa indra iva deveṣu
tviṣīmān viśa ā vada ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0