Scripture Library

Paippalāda-Saṃhitā · Chapter 1.56

1.56.1

pretā jayatā nara
ugrā vaḥ santu bāhavaḥ |
indro vaḥ śarma yacchatv
anādhṛṣyā yathāsatha ||

1.56.2

ud dharṣantāṃ maghavann āyudhāny
ut satvanāṃ māmakānāṃ manāṃsi |
ud dharṣantāṃ vājināṃ vājināny
ud vīrāṇāṃ jayatām etu ghoṣaḥ ||

1.56.3

pṛthag ghoṣā ululayaḥ
ketumanta ud īratām |
devā indrajyeṣṭhā
maruto yantu senayā ||

1.56.4

avasṛṣṭā parā pata
śaravye brahmasaṃśite |
jayāmitrān pra padyasva
māmīṣāṃ kaṃ canoc chiṣaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0